Nepal U19 Cricket

नेपाल श्रीलंका विरुद्ध ऐतिहासिक जीतबाट एक रनले चुक्यो, दिपेन्द्रसिंह ऐरीको उत्कृष्ट पारी काम लागेन

एसीसी अन्डर नाइन्टिन एशियाको पहिलो खेलमा नेपालले श्रीलंकासंग मात्र एक रनको झिनो हार ब्यहोरेको छ । नेपालका लागि दिपेन्द्रसिंह ऐरीको ९० रनको मेहेनत काम लाग्न सकेन ।

कोलम्बोमा भएको खेलमा टस हारेर पहिले ब्याटिङको निम्तो पाएको श्रीलंकाले निर्धारीत ५० ओभरमा आठ विकेट गुमाउदै दुई सय २७ रन बनायो । पहिलो बलमा नै विकेट गुमाएको श्रीलंकाको पारीलाई रेभेन केली र हसिथा बोयागोडाले अर्धसतकिए साझेदारी गर्दै सम्हाल्न सफल भए । हसिथाले ८३ रनको योगदान गरे भने केलीले १९ रन जोडे । यस्तै क्रिसनले २८ रन बनाउदा असिन बन्दाराले २७ रनको योगदान गरे । यस्तै लसिथ क्रोस्पुले ले १३ रन थपे । खाता खोल्न नपाउदै विकेट गुमाएको श्रीलंकाले ८३ रन बनाउदा तीन विकेट खेर फालेको थियो । त्यसपछि एक सय ४८ रन हुदा पाच विकेट गुमाएको श्रीलंकाले अन्तत दुई सय २८ रनको लक्ष्य दिन सफल भयो ।

जवाफमा नेपाल तीन बल बाकि हुदा दुई सय २६ रनमा अलआउट भयो । एक रन हुदा पहिलो विकेट गुमाएको नेपालले पाच रन हुदा दोस्रो विकेट खेर फाल्यो । ओपनर सन्दिप सुनार र आशिफ शेख एकोहोरो रुपमा आउट भए । त्यसपछि क्रिजमा आएका भिम सार्कीपनि आठ रनमा आउट भएपछि नेपालले ३२ रनमा तेस्रो विकेट गुमायो । नेपालको पारीलाई सम्हाल्न खोजेका आदिल खान ३९ रनमा पेभेलियन फर्किएपछि नेपालले ७७ रनमा चौथो विकेट गुमायो । प्रकाश केसी पनि १४ रनमा आउट भएपनि नेपालले ११२ रनमा पाच विकेट गुमायो । तर नेपाललाई दिपेन्द्र सिंह ऐरीले उत्कृष्ट पारी खेल्दै नेपाललाई जितको नजिक पुर्याएका थिए । अन्तिम ओभरमा आठ रन आवश्यक भएको बेला दिपेन्द्रले दोस्रो बलमा छक्का प्रहार गर्दै नेपाललाई जीतको नजिक पुर्याएका थिए तर अर्को बलमा दिपेन्द्र एलबीडब्लु धरापमा परेपछि नेपालको जीतका आशा समाप्त बन्यो । नेपालका लागि सुवारुङ राओले ४० रनको योगदान गरे । प्रतियोगिता अन्तर्गत नेपालले भोली भारतसंग खेल्नेछ ।


नेपाली ब्याटिङ

सन्दिप सुनार २ रन
आसिफ शेख १ रन
आदिल खान ३९ रन
भिम कार्की ८ रन
प्रकाश केसी १४ रन
सुवारुङक राओ ४० रन
दिपेन्द्रसिंह ऐरी ९० रन

Most Popular

Nepal's No.1 Cricket Portal now in Nepali Language.

Follow us

Subscribe !

Subscribe to our email newsletter


Copyright © 2017 Cricnepal.com. All Rights Reserved.

To Top