Nepal Mens

प्रशिक्षणका लागि श्रीलंकालाई बिश्वकप जिताएका डेभ वाटमोर नेपाल आउने

आइसीसी बिश्व क्रिकेट लिग च्याम्पियनसिप अन्तर्गत केन्या विरुद्धको खेल अघि नेपाली टिमलाइ श्रीलङकाका पुर्व प्रशिक्षक डेभ वाटमोरले प्रशिक्षण दिने भएका छन ।

घरेलु मैदानमा हुने खेलका लागि नेपालले आज बाट खेलाडी छनौट प्रक्रिया सुरु गरेको छ । छनौटका लागि पहिलो चरणमा ५२ जना खेलाडीलाइ बोलाइएको छ । उनीहरुलाइ चार टिममा विभाजन गरेर ६ दिन सम्म सुपर लिग खेलाइने छ । ५२ खेलाडीमा सोनु तामाङ बाहेक अन्य खेलाडीले कुनै न कुनै स्तरमा राष्ट्रिय टिमबाट खेलिसकेका छन ।

हाल क्याम्पमा रहेका खेलाडीबाट दोस्रो चरणमा २४ जना छनौट गरिनेछ । ती खेलाडीको प्रशिक्षणका लागि श्रीलंकालाई सन १९९६ को बिश्वकप जिताएका डेभ वाटमोर नेपाल आउने भएका छन । केही दिनमै काठमाडौं आउने वाटमोरले पांच फेब्रुअरी सम्म प्रशिक्षण दिनेछन । यसका साथै टिमका लागि विदेशी फिजियो पनि बोलाइएको छ । बिश्व क्रिकेट लिग च्याम्पियनसिप खेल्ने अन्तिम टोलीलाइ भने भारतमा एक महिना सम्म बन्द प्रशिक्षण राख्ने तयारी भइरहेको छ । आइसीसीले नेपाल क्रिकेट संघलाइ निलम्बन गरेपछि मुख्य प्रशिक्षक जगत टमाटा, कप्तान पारस खड्का लगायतलाइ खेलाडी छनौटको जिम्मा दिएको छ ।

नेपाल र केन्या बीचको खेल मार्च ११ र १३ मा टियु मैदानमा हुनेछ । केन्या विरुद्धको खेलका लागि मैदानको तयारी पनि एक सातापछि सुरु हुनेछ । पुर्वाधार तयारीको निरिक्षणका लागि आइसीसीबाट प्रतिनिधी आउनेछन । यसअघि घरेलु मैदानमा नै भएको नामिबिया विरुद्धको दुवै खेलमा नेपालले जीत हात पारेको थियो । हाल नेपाल ६ अंक सहित तालिकाको छैटौ स्थानमा छ भने आठ अंक जोडेको केन्या पांचै स्थानमा छ ।

शीर्ष चार टिमले अर्को वर्ष बंगलादेशमा हुने बिश्वकप छनौट खेल खेल्ने अवसर पाउनेछन । त्यसैले नेपालका लागि बांकी ६ खेलमा जीत हात पार्नु आबश्यक छन । केन्यापछि नेपालले हङकङ र युएइ संग खेल्नेछ ।

Most Popular

Nepal's No.1 Cricket Portal now in Nepali Language.

Follow us

Subscribe !

Subscribe to our email newsletter


Copyright © 2017 Cricnepal.com. All Rights Reserved.

To Top