International News

म्याक्सवेलको टेष्ट करियरको पहिलो सतक, तीन वटै विधामा सतक प्रहार गर्ने दोस्रो अष्ट्रेलियन खेलाडी

भारत विरुद्धको तेस्रो टेष्टमा एकदिवसियका विस्फोटक ब्याटसम्यान ग्लेन म्याक्सवेलले टेष्ट करियरको पहिलो सतक प्रहार गरेका छन ।

करियरमा चौथो टेष्ट खेलिरहेका म्याक्सवेलले करियरको पहिलो टेष्ट प्रहार गर्दै टेष्ट क्रिकेटमा सतकको खाता खोलेका छन । एक सय ४० रनमा चौथो विकेट गुमेपछि क्रिजमा आएका म्याक्सवेलले कप्तान स्मिथसंग उत्कृष्ट साझेदारी गर्न सफल भए । पहिलो दिन ८२ रनमा अविजीत रहेका म्याक्सवेल थप १८ रन हिर्काउदै सतक प्रहार गरे ।

एकदिवसिय क्रिकेटमा श्रीलंका विरुद्ध पहिलो सतक प्रहार गरेका म्याक्सवेल ९९ रन हुदा उमेश यादवको बलमा चौका प्रहार गर्दै सतक प्रहार गरे । उनले एक सय ८० बलमा नौ चौका र दुई छक्काको मद्धतले सतक प्रहार गरेका हुन । म्याक्सवेल ट्वान्टी ट्वान्टी, एकदिवसिय र टेष्ट तीन वटै विधामा सतक प्रहार गर्ने दोस्रो अष्ट्रेलियन खेलाडी बनेका छन । यसअघि सेन वाटसनले तीन वटै विधामा सतक प्रहार गरेका थिए ।

Latest News

Nepal's No.1 Cricket Portal now in Nepali Language.

Follow us

Copyright © 2010-2017 Cricnepal.com. All Rights Reserved.

To Top