National News

मारवाडी सुपर ८ क्रिकेट प्रतियोगिताको उपाधि टिपटपलाई

देभिवास इभेन्ट्सको आयोजनामा भएको मारवाडी सुपर ८ क्रिकेट प्रतियोगिताको उपाधि टिपटपले जितेको छ। फाइनल खेलमा आइस्टोरलाई १५ रनले पराजित गर्दै टिपटपले उपाधि जितेको हो।

कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमाभएको खेलमा पहिलो ब्याटिङ गरेको टिपटपले ७ ओभरमा १ विकेट गुमाउँदै ८८ रन बनाएको थियो भने जवाफी ब्याटिङमा उत्रिएको आइस्टोरले ५ विकेटको नोक्सानीमा ७३ रनमात्र बनाउन सक्यो।

शनिबार बिहान भएको सेमिफाइनल खेलमा जित हासिल गर्दै टिपटप र आइस्टोर फाइनलमा पुगेका थिए। टिपटपले राइडर्सलाई १४ रनले पराजित गरेको थियो भने आइस्टोर कोचर रेन्जर्ससँग ४ रनले विजयी रहेको थियो।

प्रतियोगिताको सर्वोत्कृष्ट खेलाडी टिपटपका आशु कन्डोई भए भने उत्कृष्ट ब्याट्सम्यन टिपटपकै अमोल शर्मा भए। राइडर्सका विक्की सिन्जेलले उत्कृष्ट बलरको उपाधि हात पारे।

Latest News

Nepal's No.1 Cricket Portal now in Nepali Language.

Follow us

Copyright © 2010-2017 Cricnepal.com. All Rights Reserved.

To Top