अभ्यास खेलमा नेपालको लगातार दोस्रो जित, गरुग्राम स्पोर्टस क्लव २४९ रनले पराजित

अन्डर नाइन्टिन विश्वकप छनौट खेलको तयारीका लागि भारत भ्रमणमा रहेको नेपालले अभयास खेलमा लगातार दोस्रो जीत हात पारेको छ । दिल्ली स्थित ग्रेटर नोयडामा आज भएको दोस्रो अभ्यास खेलमा नेपालले गुरुग्राम स्पोर्टस क्लबलाइ दुइ सय ४९ रनको फराकिलो अन्तरले पराजित गरेको हो ।

गौतमबुद्ध युर्निभर्सिटी मैदानमा टस जितेर ब्याटिङ गरेको नेपालले निर्धारित ५० ओभरमा नौ विकेट गुमाउदै तीन सय ३८ रन बनाएको थियो । नेपालका लागि दुइ खेलाडीले अर्धशतकिय पारी खेले । आदिल खानले ५७ रनको योगदान दिदा संदिस सुनारले ५८ रन जोडे । आदिलले एक सय वलको सामना गर्दै दुइ चौका र दुइ छक्का हिर्काए । यस्तै दिपेन्द्र सिंह ऐरीले ४८ र पवन सरार्फले ४७ रन नेपालको खातामा जोडे । प्रनित थापा मगरले २८ रन बनाए । वलिङ तर्फ हिमांशु राई, शिसपाल सिंह, मनिस राइ र प्रताप सिंहले दुइ दुइ विकेट लिए ।

जवाफमा तीन सय ३९ रनको लक्ष्य पछ्याएको गुरुग्राम २९ ओभर एक वलमा अल आउट हुदै ८९ रनमा समेटियो । गुरुग्रामलाइ सस्तैमा समेट्ने क्रममा पवन सराफले चार विकेट लिए । ६ ओभर वल फालेका सराफले एक ओभर मेडन राख्दै जम्मा १८ रन खर्चिएका थिए । विक्रम कुमार भुसाल र रोहित कुमार पौडेलले दुइ दुइ विकेट लिए । गुरुग्रामका लागि प्रताप सिंहले सर्वाधिक १८ रन जोडेका थिए । उसका सात खेलाडीले दोहोरो अंक छुन सकेनन् । यसअघि हिजो भएको पहिलो अभ्यास खेलमा नेपालले फ्रेन्डस स्पोर्टस एकेडेमीलाइ एक सय २१ रनले पराजित गरेको थियो ।

Comments:

comments

About the author

News Staff

Latest News