Outside Nepal

नेपाली राइनोज क्रिकेट क्लवले सहभागिता जनाउन लागेको इमराल्ड कप स्थगित

अमेरीकामा रहेका नेपाली क्रिकेटरले स्थापना गरेको नेपाली राइनोज क्रिकेट क्लवले सहभागिता जनाउन लागेको इमराल्ड कप आयोजकले स्थगित गरेका छन ।

अमेरीकाको सिटएलमा हुने भनिएको प्रतियोगिताका आयोजकले एक विज्ञेप्ती जारी गर्दै प्रतियोगिता तत्कालका लागि स्थगित भएको जनाएका हुन । क्लवलाई इमेल मार्फत जानकारी गराउदै आयोजकले चार टिमले मात्र सहभागिता सुनिश्चित गरेका र बाकि चार टिमको सहभागिता अनिश्चित भएकाले स्थगित गर्नुपरेको जनाएका छन । प्रतियोगिताको चार्म कम नहोस भनेर आयोजकले स्थगित गरेका हुन । प्रतियोगिताका लागि नेपाली राइनोजले २९ सय अमेरीकी डलर खर्च गरेका थिए । जसका खेलाडी खेलाडी अनुबन्धका साथै सबै प्रक्रिया पुरा गरीसकेका थिए ।

आयोजकले प्रतियोगिता स्थगित भएको खवर पाएपछि क्लवले आफनो फेसबुक पेजमा सबै समर्थक स्पोन्सरलाई माफि मागेका छन । प्रतियोगिताका लागि ६ जना अन्तराष्ट्रिय खेलाडी खेलाउने र बाकि नेपाली पुर्व खेलाडी समावेश गर्ने योजनामा राइनोज थियो । बरदान चालिसेको कप्तानीमा उत्रने भनिएको टिममा गत बर्षको टु एक्स विजेता टिममा रहेका सागर पन्त, राकेश कर्ण र आशिक लामा थिए । यस्तै टिममा कनिस्क चौगाई पनि खेल्ने बताइएको थियो । प्रतियोगिताको विजेताले १५ हजार अमेरीकी डलर र उपविजेताले तीन हजार अमेरीकी डलर प्राप्त गर्ने थियो ।

Latest News

Nepal's No.1 Cricket Portal now in Nepali Language.

Follow us

Copyright © 2010-2017 Cricnepal.com. All Rights Reserved.

To Top