ICC World Cricket League Championship

नेपाल विरुद्धको खेलका लागि हङकङ टिमको घोषणा

हंगकंगले नेपालसँग विश्व क्रिकेट लिग च्याम्पियानसिपको छैठौं चरणको खेलको लागि १४ सदस्यीय टोलीको सोमबार घोषणा गरेको छ ।

आईसीसी बिश्व क्रिकेट लिग च्याम्पियनसिपमा हंगकंग पोइन्ट्स टेबलमा १० खेलबाट ११ अंक सहित तेस्रो स्थानमा छ भने नेपाल समान खेलमा ८ अंक सहित छैठौं स्थानमा छ। नेपालले हंगकंग र युएईसंग २-२ खेल खेल्न बाँकीछ l प्रतियोगितामा उत्कृस्ट हुने ४ वटा टिमले २०१८ बिश्वकप छनौट प्रतियोगिता खेल्न पाउने अवस्थामा नेपाललाई उत्कृस्ट ४ मा पर्न बाँकी अधिकाँश खेलहरु जित्नुपर्ने दबाब रहेको छ । यहि अक्टोबर १३ र १५ तारिकमा हंगकंगको मिसन रोड क्रिकेट मैदानमा नेपाल र हंगकंग बीच खेल हुनेछ।
नेपालले यसै बर्ष मार्चमा बंगलादेशमा सम्पन्न एसीसी इमर्जिग टिम्स एसिया कपमा हंगकंगको सामना गरेको थियो जसमा नेपाल ७ विकेटले बिजयी भएको थियो । च्याम्पियनसिप अन्तर्गत नेपालले मार्चमा केन्यासंग १ खेलमा जित र १ खेलमा हार बेहोरेको थियो ।

हंगकंग टिम बाबर हायतको कप्तानीमा रहनेछ भने २४ बर्षीय एजाज खानको स्थानमा १९ बर्षीय ओपनर आयुस्मन राथलाई टोलिको उपकप्तानीको जिम्मेवारी दिएको छ। त्यस्तै टोलीमा १७ बर्षीय लेग-स्पिनर जथावेद सुब्रमन्यनलाई पनि स्थान दिईएको छ ।

यस्तो छ टिम :-

बाबर हायत ( कप्तान )
आयुस्मन राथ ( उपकप्तान )
जेमी अट्कीन्सन
क्रिस कार्टर
निजाकत खान
सहिद वासिफ
एहसान खान
एजाज खान
वकास खान
तनवीर अफजल
एहसान नवाज
तनवीर अहमद
जथावेद सुब्रमन्यन
काएल क्रिस्टी

Most Popular

Nepal's No.1 Cricket Portal now in Nepali Language.

Follow us

Subscribe !

Subscribe to our email newsletter


Copyright © 2017 Cricnepal.com. All Rights Reserved.

To Top