ICC World Cricket League Championship

खराब ब्याटिङका कारण, नेपाल हङ कङ सँग ८३ रनले पराजित

Paras Khadka

विश्व क्रिकेट लिग च्याम्पियनसिप अन्तर्गत हङकङविरुद्धको पहिलो खेलमा नेपाल पराजित भएको छ । पराजयसँगै नेपालको विश्वकप छनोट खेल्ने सपना लगभग सकिएको छ ।

हङकङ १९४/१० (५० ओवर) vs नेपाल १११/१० (३४.५ ओवर)

शुक्रबार हङकङस्थित मिसन रोडको मोङ कङमा रहेको टिन क्वोङ रोड रिक्रिएसन मैदानमा भएको खेलमा हङकङले नेपालमाथि ८३ रनको जित निकाल्यो ।

मिशन रोड ग्राउण्ड मोङ ककमा टस हारेर पहिले ब्याटिङको निम्तो पाएको हङकङले निर्धारित ५० ओभरमा सबै विकेट गुमाएर १९४ रनको योगफल बनाएको थियो । चौथो ओभरको चौथो बलमा करण केसीको बलमा हङकङका ओपनर अंशुमन रथ खाता नखोली पेविलियन फर्किएसँगै उसको विकेट पतन सुरु भएको थियो ।

सुस्त गतिमा रन बनाएको हङकङले ११औं ओभरको पाचौं बलमा ३५ रन बनाउँदा दोस्रो विकेट गुमायो । उसका कप्तान बाबर हायत २९ रनको व्यक्तिगत स्कोरमा दिपेन्द्र सिंह ऐरीको हातबाट रनआउटको शिकार भए । हङकङको तेस्रो विकेट युवा स्पिनर सन्दिप लामिछानेले लिए । १७.४ ओभरमा हङकङले ७० रन बनाउँदा अनुभवी ब्याट्सम्यान निजाकात खानलाई १२ रनको व्यक्तिगत स्कोरमा सन्दिपले विकेटकिपर बिनोद भण्डारीको हातबाट स्टम्पिङ गराए ।

मध्यम ओभरमा दुई स्पिनरहरु बसन्त रेग्मी र सन्दिप लामिछानेको स्पेल निक्कै प्रभावकारी देखियो । हङकङले पाँच ओभरको बीचमा चार विकेट गुमाउँदा मात्र ११ रन टिमको खातामा जोडियो । २९ ओभर तीन बलमा टिमको स्कोर १०८ रन हुँदा वाकाश खान १४ रनको स्कोरमा बसन्त रेग्मीको बलमा आउट भए ।, ३०.४ ओभरमा साहिद वासिफ १ रनमै सन्दिप लामिछानेको बलमा एलबीडब्ल्यू आउट भए ।, ३३.१ ओभरमा इशान खान बसन्तको बलमा खाता खोल्नै नपाइ पेविलियन फर्किए भने ३४.२ ओभरमा अइजाज खान पनि शुन्य रनमै सन्दिपको बलमा कट एट बल भए ।

४१औं ओभरको चौथो बलमा नेपालले हङकङका ओपनर अत्किन्सनलाई ७६ रनको व्यक्तिगत स्कोरमा सुशान भारीको बलमार्फत एलबीडब्ल्यूको शिकार बनायो । ११७ बलको सामना गरेका उनले ९ चौका र १ छक्काको सहयोगमा ७६ रनको शानदार पारी खेलेका थिए ।

जवाफी व्याटिङमा आएको नेपालले आशातित व्याटिङ गर्न सकेन । सुरुआती व्याट्सम्यान सस्तै रनमा आउट भएपछि नेपाली इनिङ्स धर्मरिएको थियो । नेपाल ३४.५ ओवरमा सबै विकेट गुमाउदै खेल ८३ रनले हार्न पुग्यो । नेपालको तर्फबाट कप्तान पारस खड्काले सर्वाधिक २६ रन बनाए ।

हङकङका लागि अफ स्पिनर एहेसान खानले ५ विकेट लिन सफल भए ।

नेपालले हङकङ विरुद्ध दोस्रो खेल आइतबार खेल्ने छ ।

Latest News

To Top