धनगढीमा खुल्यो क्रिकेट ट्रेनिङ सेन्टर

राष्ट्रिय क्रिकेट खेलाडी पदम केसीको पहलमा कैलालीको धनगढीस्थित संगम टोलमा स्पार्क क्रिकेट ट्रेनिङ सेन्टरको स्थापना भएको छ ।

क्रिकेटको शहरको रुपमा चिनिने धनगढीमा नयाँ खेलाडी उत्पादन गर्ने लक्ष्यसहित खोलिएको क्रिकेट एकेडेमीको आइतबार नेपाल उद्योग वाणिज्य महासंघका केन्दि्रय सदस्य गोपाल हमालले उद्घाटन गरेका छन् ।

क्रिकेटका राष्ट्रिय खेलाडी निरज चन्दले नेपालका क्रिकेट प्रशिक्षण केन्द्रहरुको अभाव भैरहेको बेला यो ट्रेनिङ्ग सेन्टरले थप बढावा दिएको बताउँदै ग्रामिण क्षेत्रमा रहेका क्रिकेट प्रतिभाहरुको प्रस्फुटन हुनेमा आफू विश्वस्त रहेको प्रतिक्रिया दिए ।

ट्रेनिङ्ग सेन्टरका निर्देशक एवं राष्ट्रिय क्रिकेट खेलाडी पदम केसीले एकेडेमीमा जुनियर लेबलबाट खेलाडीहरुलाई ट्रेनिङ्ग दिइने बताए ।
करिब १० लाखको लागतमा निर्माण भएको यस ट्रेनिङ्ग सेन्टरमा हाल महिला र पुरुष गरी ५० जना खेलाडीहरु प्रशिक्षणमा छन् ।

यस लेखमा उल्लेखित विषयहरु

Related Stories

More Stories

Latest