एभेरेष्ट प्रिमियर लिगको उपाधिका लागि अहिले विराटनगर वारियर्स र भैरहवा ग्लाडिटियर्स विच प्रतिस्पर्धा भइरहेको छ ।
किर्तीपुर क्रिकेट मैदानमा टस जितेर पहिले ब्याटिङ गरेको विराटनगरले बलियो सुरुवात गरेको छ । तेस्रो ओभर सकिदा उसले २१ रन बनाएको छ । जारी प्रतियोगितामा विराटनगर अपराजित हुने एक्लो टिम हो । यता शरदको कप्तानीमा रहेको भैरहवाले यो प्रतियोगितामा विराटनगरसंग मात्र पराजित भएको छ । तर विराटनगरको स्कोर ३४ रन हुदा पहिलो विकेट गुमायो । यो प्रतियोगितामा राम्रो फर्ममा नरहेका खेलाडी आशिफ शेख सात रनमा आउट भए । त्यसपछि ५८ रन हुदा विराटनगरले दोस्रो विकेट गुमायो । यो प्रतियोगिताका सर्वाधिक रनकर्ता बावर हायात ११ रनमा पेभेलियन फर्किए । ८३ रन हुदा आक्रामक खेलाडी अन्सुमान राथ ब्यक्तिगत ४० रनमा पेभेलियन फर्किएपछि तेस्रो विकेट गुमायो।