नेपालको पहिलो हार, ओमानसँग ६ विकेटले पराजित

आइसीसी विश्व क्रिकेट लिग डिभिजन टु मा नेपाल ओमानसंग ६ विकेटले पराजित भएको छ ।

नामिवियाको विन्डहक स्थित एफिज पार्क मैदानमा नेपालले टस हारेर ब्याटिङको निम्तो पाएको नेपाल ४६ ओभरमा एक सय ३८ रनमा अलआउट भयो ।

नेपालको ब्याटिङ आजपनि निकै कमजोर रहयो । नामिविया विरुद्धकै प्लेइङ सेटलाई उतारेको नेपालले १० रन हुदा पहिलो विकेट गुमायो ।

त्यसपछि नेपालले ५६ रन बनाउदा महत्वपुर्ण चार विकेट खेर फाल्यो । दिलिप नाथले १९ रन बनाउदा कप्तान पारस खड्का १७ रनमा आउट भए ।

ज्ञानेन्द्र मल्लले सात तथा आरिफ शेखले ६ रन मात्र बनाए । त्यसपछि शरद भेषवाकर र दिपेन्द्रसिंह ऐरीले नेपालको पारीलाई सम्हाल्न खोजेका थिए ।

तर दिपेन्द्र २० रनमा पेभेलियन फर्किएपछि नेपालले ९२ रनमा पाँच विकेट गुमायो । त्यसपछि नेपालले अरु १९ रन जोडदा थप दुई विकेट गुमायो ।

शरद भेषवाकर २२ रनमा आउट हुदा नामिवियालाई हराउदा नायक बनेका बसन्त रेग्मी एक रनमा आउट भए । त्यसपछि रोहित पौडेल १४ रनमा आउट भएपछि नेपालले एक सय २३ रनमा आठ विकेट गुमायो । अन्तिममा सोमपालले नेपालका लागि १७ रन थपे ।

जवाफमा ओमानले ३५ ओभर एक बलमा चार विकेट गुमाउदै लक्ष्य पुरा गरयो । क्यानडासंग आठ विकेटको भारी अन्तरले पराजित भएको ओमान विरुद्ध नेपाली बलरले खासै राम्रो खेल्न सकेनन ।

सुरुवातमा नै विकेट झारेर दबाव दिएपनि मध्यक्रमका खेलाडीले ओमानलाई जितको बाटो देखाए ।

उसका लागि अकिव लियासले ४६ रन बनाए भने जतिन्दर सिंहले २४ तथा खावार अलीले ११ रन जोडे । बलिङ तर्फ नेपालका सन्दिप लामिछानेले २ विकेट लिए ।

यस लेखमा उल्लेखित विषयहरु

Related Stories

More Stories

Latest