नेपाललाई विश्वकप छनोटमा पुर्याउने नायक यसरी सम्झिए क्यानडा विरुद्ध त्यो पारी

करण केसी एउटा मिठो झुटले जन्माएको क्रिकेट खेलाडी हुन् । भारतमा बस्दै आएका करणले परिवार संग म विदेश जान्छु कागज मिलाउन नेपाल पठाइदिनु भनेर झुटो नवोलेका भए सायद नेपालले एक उत्कृष्ट अल राउन्डर पाउने थिएन होला ।
सो बेला करणको सपना विदेश नभएर नेपाली राष्ट्रिय टिममा स्थान बनाउनु थियो । डिभिजन टु अन्तर्गत क्यानडा विरुद्ध उत्कृष्ट पारी खेल्दै नेपाललाई विश्वकप छनौटमा पुर्याएपछि अहिले उनी हट केक बनेका छन ।

नेपाललाई विश्वकप छनोटमा पुर्याउन नायक बनेका करण खेलको अन्तिम क्षण सम्झदा अझैपनि एक किसिमले उत्साहित हुन्छन भने अर्को किसिमले नर्भस । क्यानडा विरुद्ध जितेर करणले यस्तो उपहार पायो जुन भ्यालेन्टाइनमा आफ्नो जोडीलाई महङगो उपाहार दिए जस्तो ।

क्रिकेटमा जे पनि सम्भव भन्ने सुनेका नेपाली क्रिकेट प्रेमीले त्यस दिन वास्तवमै चामत्कारिक खेलको अनुभूति गर्न पाए, हो त्यही चामत्कारिक नतिजा दिलाउने नेपाली खेलाडी कुन् करण केसी । बलिङमा सोमपाल कामीको छायाँमा पर्ने गरेका करणले नामिवियाको विण्डहक मैदानमा आफ्नो संयमित र बहादुरीपूर्ण ब्याटिङ इनिङले देशमा मात्र होइन अन्तर्राष्ट्रिय क्रिकेटमै राम्रो चर्चा पायो । उनले ३१ बलमा ३ चौका र ४ छक्का प्रहार गर्दै ४२ रनको अविजित पारी खेलेपछि नेपालले खेल १ विकेटले जित्यो । त्यसमा सन्दिप लामिछानेले उनलाई राम्रो साथ दिए । अन्तिम विकेटका लागि उनीहरुले ४७ बलमा ५१ रनको विजयी साझेदारी गरे ।

त्यस जितले नेपालाई एकदिवशीय विश्वकप छनोटसम्म पुर्यायो र नेपाल पुनः डिभिजन वानमा पनि उक्लियो । शनिबार स्वदेश फर्किएपछि क्यानडाबिरुद्धको त्यस खेल स्मरण गर्दै करणले आत्मविश्वासले असम्भव कुरा पनि सम्भव बन्ने अनुभूति ब्यक्त गरे । १९५ रनको लक्ष्य पछ्याएको नेपालले १४४ रन बनाउँदा आठौं विकेटका रुपमा बसन्त रेग्मीलाई गुमाएपछि करण मैदान छिरेका थिए ।

‘क्रिजमा छिर्न लाग्दा शक्ति दाइले भन्नुभएको थियो कि तिमी गएर आरिफलाई सपोर्टमात्र गर, जे गर्छ उसले गर्छ ।’ उनले सम्झिए । तर, लगत्तै अर्को ओभरको पहिलो बलमै आरिफ आउट भएपछि नेपाल झन दवावमा आयो । नेपालको अन्तिम भरोसा नै करण र सन्दिप थिए ।

‘त्यसपछिको प्रेसर मेरो काँधमा आयो । हाम्रो अन्तिम खेल थियो, त्यसमा नजिते डिभिजन टूमै रहने निश्चित भएपछि जसरी पनि खेल्नुपर्छ भन्ने सोच आयो । सन्दिपले पनि दाइ तपाईं खेल्नु म सपोर्ट गर्छु भनेँ ।’ ‘४४औं ओभरमा दुई बाउण्ड्री लागेपछि म उत्साहित भएँ कि खेल जिताउन सक्छु जस्तो लाग्यो ।’ करणले भने, ‘सन्दिपसँग पनि विकेट टिकाइराख्ने र खेललाई अन्तिम ओभरसम्म लैजाने सल्लाह भयो ।’

नेपाललाई जितका लागि २ बलमा ८ रन चाहियो । त्यतिबेला करणले सोचेका रहेछन् कि एक बलमात्र खेर फालेँ भने खेल हाम्रो हाफबाट फुस्किन्छ । त्यसैले उनले जे पर्छ पर्छ भनेर खेले । नभन्दै कभरको दिशामा शानदार छक्का प्रहार गरे । त्यही छक्काले नेपाललाई विश्वकप छनोटनजिक पुर्यायो ।

यस लेखमा उल्लेखित विषयहरु

Related Stories

More Stories

Latest