अफगानिस्तानका कप्तानले सम्मान स्वरुप रोहितलाई दिए आफ्नो ब्याट

विश्वकप छनोट अन्तर्गत हङकङलाई पराजित गर्न उत्कृष्ट प्रदर्शन गरेका नेपाली ब्याट्सम्यान रोहितकुमार पौडेल अफगानिस्तानका कप्तानले ब्याट उपहार दिएका छन ।

नेपालले हङकङलाई हराएर अफगानिस्तानलाई सुपर सिक्समा पुग्न ठुलो योगदान गरेको थियो । जसका कारण अफगानिस्तानका नियमित कप्तान अस्घर स्टानिकले रोहितकुमार पौडेललाई अाफ्नै ब्याट उपहार दिएका हुन् ।

चोटका कारण अस्घरले यो विश्वकप छनोट खेल्न पाएनन् । उनको ठाउँमा रसिद खानले कप्तानको जिम्मेवारी निर्वाह गरेका थिए ।

अस्घरबाट ब्याट पाउने पौडेल हङकङसँगको खेलमा म्यान अफ द म्याच भएका थिए । नेपाललाई ५ विकेटले जिताउने क्रममा उनले ८२ बलमा नट आउट ४८ रन बनाए । छैटौं नम्बरमा ब्याटिङमा आएका उनले र सातौं नम्बरका सोमपाल कामीले नट आउट रहँदै ८९ रनको साझेदारी गरेका थिए । कामीले ३७ रन बनाए ।

सोमबार नेपालसँगको खेल जितेको भए हङकङ सुपर सिक्समा पुग्ने थियो र अफगानिस्तानको विश्वकपमा छनोट हुने सम्भावना सकिने थियो ।

यस लेखमा उल्लेखित विषयहरु

Related Stories

More Stories

Latest