नेदरल्याण्ड्स विरुद्ध पहिलो एकदिवशीय क्रिकेट खेलिरहेको नेपालले औसत प्रदर्शन गरेको छ ।
टस हारि पहिला व्याटिङ गर्न मैदान उत्रिएको नेपाली टिमले अहिले सम्म चार विकेट लिएको छ । नेपालले २० ओभरको खेल सम्म पाँच जना बलरलाई बल थमाईसकेको छ । एकदिवशीयमा एक जना बलरले अधिकतम १० ओभर बलिङ गर्न पाउने नियम छ ।
पहिलो नम्बरमा बल लिएका सोमपाल कामीले ५ ओभर बलिङ गर्दा १ ओभर मेडन राखेका छन् । उनले २१ रन खर्चिएर १ बिकेट लिए । उनले ओपनिङ व्याट्सम्यान डेनियल ब्राकलाई आउट गरे । ११ बल खेलको ब्राकले १ रन मात्रै बनाएका थिए ।
यसैगरी दोस्रो नम्बरमा आएका करन केसीले अहिले सम्म ४ ओभर बलिङ गर्दा २४ रन दिएका छन् । उनको नाममा विकेट हात पर्न सकेको छैन । यसैगरी तेस्रो नम्बरमा आफै बल लिएका कप्तान पारस खड्का भने केही हद सम्म सफल देखिएका छन् । उनले ६ ओभर बलिङ गर्दा जम्मा १४ रन खर्चिएर २ विकेट हात पारेका छन् । उनले वेस्ले बारेसीलाई आरिफ शेखबाट क्याच आउट गराए भने, बेन कुपरलाई एलबीडब्लुको धरापमा पारे ।
यसैगरी सन्दि लामिछाने ४ ओभर बलिङ गर्दा २२ रन खर्चिएर १ विकेट लिएका छन् । सन्दिपले स्टेफन मेबर्गलाई आउट गरेका थिए । उनले ३२ बलमा ४ चौका र एक छक्का सहित २९ रन बनाएका थिए ।
पाँचौ बलरको रुपमा बसन्त रेग्मीले बल लिएका छन् । उनले १ ओभर बलिङ गर्दा ६ रन खर्चिएका छन् ।