पाकिस्तानसँग न्यूजिल्याण्डको लज्जास्पद पराजय, यासिर शाहले एक्लै लिए १४ विकेट

न्यूजिल्याण्डविरुद्धको दोस्रो टेष्टमा पाकिस्तान एक इनिङ र १६ रनले विजयी भएको छ । जसमा यासिर शाहले करियरको दोस्रो उत्कृष्ट बलिङ फिगर निकाले । उनले १४ विकेट लिन सफल भए ।

दुबईमा भएको खेलमा पहिले ब्याटिङ गरेको पाकिस्तानले बाबर आजम र हेरिस सोहेलको शतकको मद्धतले पहिलो पारीमा चार सय १८ रन बनायो । बाबरले एक सय २७ र हेरीसले एक सय ४७ रन बनाए ।

जवाफमा न्यूजिल्याण्ड मात्र ९० रनमा अलआउट भयो । उसका तीन खेलाडीले मात्र दोहोरो अंक छुन सके । उसलाई कम स्कोरमा रोक्न यासिर शाहले आठ विकेट लिए ।

फलोअनमा परेपछि दोस्रो पारी सुरु गरेको न्यूजिल्याण्ड दोस्रो पारीमा तीन सय १२ रनमा अलआउट भयो । उसका लागि रस टेलरले ८२ तथा निकोल्सले ७७ रन बनाए पनि टिमलाई हारबाट बचाउन सकेनन् । दोस्रो पारीमा पनि यासिरले ६ विकेट हात पारे ।

यस लेखमा उल्लेखित विषयहरु

Related Stories

More Stories

Latest