आईपीएलमा दिल्ली क्यापिटल्स विजयी

इण्डियन प्रिमियर लिग आईपीएल अन्तर्गत आज भएको खेलमा दिल्ली क्यापिटल्स विजयी भएको छ । दिल्लीले मुम्बई इण्डियन्सलाई ३७ रन ले हरायो ।

टस हारेर ब्याटिङको निम्तो पाएको दिल्लीले २० ओभरमा ६ विकेट गुमाउँदै २१३ रनको बलियो योगफल तयार पारेको थियो । २९ रनमा शुरुवाती दुई विकेट गुमाएको दिल्लीका लागि मध्ये क्रमका ब्याट्सम्यानहरुले उत्कृष्ट प्रदर्शन गरे । ऋषबले अविजित ७८ रन बनाएका थिए । उनले २७ बलमा सात चौका र सात छक्का प्रहार गरेका थिए । यस्तै कोलिन इन्ग्रामले ३२ बलमा सात चौका र एक छक्का प्रहार गर्दै ४७ रन बनाएका थिए । यस्तै शिखर धवनले पनि ३६ बलमा ४३ रन बनाएका थिए ।

बलिङतर्फ मिचेल म्यालेनाघनले तीन विकेट लिए भने जस्प्रित बुम्राह, हार्दिक पाण्ड्या र बेन कटिङले एक एक विकेट लिए ।
२१४ रनको लक्ष्य पछ्याएको मुम्बई १९.२ ओभरमा १७६ रनमा अलआउट भयो । उसका लागि युवराज सिंहले सर्वाधिक ५३ रन बनाए । युवराज बाहेक क्रुनाल पाण्ड्षले ३२, क्वीन्टन डिककले २७ रन बनाउँदा अन्य ब्याट्सम्यानहरु सस्तैमा पवेलियन फर्किए ।

मुम्बईलाई हराउनका लागि इशान्त शमा र कागिसो रबाडाले दुई दुई विकेट लिए ।

दिल्ली क्यापिटल्समा आबद्ध नेपाली बलर सन्दिप लामिछाने भने आजको खेलमा प्लेइङ सेटमा पर्न सकेनन् ।

यस लेखमा उल्लेखित विषयहरु

Related Stories

More Stories

Latest