चेन्नाईकाे राेमाञ्चक जित

इण्डियन प्रिमियर लिग आईपीएलमा शीर्ष स्थानको चेन्नाई सुपर किंग्सले छैटौं जित हासिल गरेको छ । गएराति भएकाे खेलमा चेन्नाईले राजस्थान रोयल्सलाई ४ विकेटले पराजित गरेको हो ।

जयपुरस्थित सवाइ मानसिंह रंगशालामा टस हारेर ब्याटिङको निम्तो पाएको राजस्थानले २० ओभरमा सात विकेट गुमाउँदै १५१ रन बनाएको थियो । उसका लागि बेन स्टोकले २८ रन बनाए भने जोस बटलरले २३ रन थपे । अरु खेलाडीले खासै राम्रो खेल्न सकेनन् ।

श्रीयास गोपाल र जोफ्रा आर्चरले क्रमसः १९ र १३ अविजित रन बनाएपछि राजस्थानले १५० को स्कोर पार गरेको हो । बलिङमा चेन्नेइका रविन्द्र जडेजा, सार्दुल ठाकुर र दीपक चाहरले दुई दुई विकेट लिए । जितसँगै चेन्नाइले लिगको अंकतालिकामा शीर्ष स्थानमा ४ अंकको अग्रता बनाएको छ । चेन्नाईको ७ खेलमा १२ अंक छ भने दोस्रो स्थानेको कोलकाता नाइट राइडर्सको ६ खेलमा ८ अंक छ ।

१५२ रनको लक्ष्य पछ्याएको चेन्नाईले इनिङको अन्तिम बलमा जित हासिल गर्नुअघि विकेट गुमाएको थियाे । अन्तिम ओभरमा चेन्नाइलाई जितका लागि १८ रन आवश्यक थियो । बेन स्टोक्सको बलिङमा रविन्द्र जडेजा र मार्क सान्टनरले छक्का प्रहार गरेर जित दिलाए । अन्तिम बलमा ३ रन आवश्यक रहेकोमा स्टानटरले छक्का प्रहार गरेका थिए ।

चेन्नाईले सुरुआती ४ विकेट सस्तैमा गुमाएको थियो । सेन वाट्सन, फाप डू प्लेसिस, सुरेश रैना र केदार जादव गरी चार सुरुआती ब्याट्सम्यान सस्तैमा आउट हुँदा चेन्नाईले २४ रनमात्र बनाएको थियो । कप्तान महेन्द्रसिंह धोनी र अम्बाती रायडूले पाँचौं विकेटका लागि ९५ रनको सानदार साझेदारी गरेपछि जितको आधार बनेको थियो ।

अन्तिम दुई ओभरमा क्रमसः रायडू ५७ र कप्तान धोनी ५८ रनमा आउट भए । रायडूले ४७ बलमा २ चौका र ३ छक्का तथा धोनीले ४३ बलमा २ चौका र ३ छक्का प्रहार गरे ।

यस लेखमा उल्लेखित विषयहरु

Related Stories

More Stories

Latest