चार जिल्लाले नयाँ नेतृत्वको चयन गर्न साधारण सभाको बैठक बोलाए

अन्तराष्ट्रिय क्रिकेट परिषद आईसीसीले गठन गरेको स्वतन्त्र कमिटिको निर्णय अनुसार चार जिल्लाले नयाँ नेतृत्वको चयन गर्न साधारण सभाको बैठक बोलाएका छन् ।

नयाँ विधान अनुसार निर्वाचन गराउने जिम्मेवारी पाएको स्वतन्त्र कमिटिले २० वटा जिल्ला कमिटिको चुनावलाई बैधता दिदै अन्य १९ जिल्लामा निर्वाचन गराउने निर्णय गरेको थियो ।

सहमती अनुसार कमिटिले १२ जिल्लामा नयाँ विधान अनुसार सदस्य थप गरेर र अन्य ७ जिल्लामा पुरानै सदस्यता अनुसार निर्वाचन गराउने निर्णय गरेको थियो ।

पुरानै सदस्यता अनुसार निर्वाचन गराउने म्यानडेट पाएका चितवन, महोत्तरी, सप्तरी र दाङले साधारण सभाको बैठक डाकेका छन् ।

स्वतन्त्र कमिटिका अनुसार चितवनले जेठ ४ गते, महोत्तरीले जेठ ११ गते, सप्तरीले १५ गते र दाङले जेठ १८ गते साधारण सभाको बैठक मिति सार्वजनीक गरेका छन् ।

कमिटिले नयाँ सदस्यता सहित चुनाव गराउन पर्सा, मकवानपुर, उदयपुर, तनहु, भक्तपुर, ललितपुर, नुवाकोट, इलाम, स्याङजा, झापा, दार्चुला र डोटीलाइ पत्र पठाएको थियो । यस्तै, महोत्तरी, काठमाडौँ, चितवन, मोरङ, कैलाली, सप्तरी र दाङमा भने पुरानै सदस्यता अनुसार निर्वाचन गर्न भनिएको थियो ।

कमिटिले पुरानै निर्वाचनलाई मान्यता दिएको जिल्लामा सर्लाही, बारा, धनुषा, सिराहा, रौतहट, सुनसरी, नवलपुर, कास्की, पाल्पा, नवलपरासी, कपिलबस्तु, बर्दिया, बाँके, सुर्खेत, रुपन्देही, कन्चनपुर, डडेलधुरा, बझाङ, आछाम र बैतडी रहेका छन् ।

यस लेखमा उल्लेखित विषयहरु

Related Stories

More Stories

Latest