विश्वकपमा दक्षिण अफ्रिकाकाे पहिलाे जित

दक्षिण अफ्रिकाले आईसीसी विश्वकपमा पहिलो जित हात पारेको छ । चार खेलमा जितबिहीन रहेको दक्षिण अफ्रिकाले पाचौं खेलमा अफगानिस्तानलाई नौ विकेटले हरायो । दक्षिण अफ्रिकाले पहिलो जित निकालेपछि यो विश्वकपमा अफगानिस्तान जित निकाल्न नसक्ने एक्लो टिम बनेको छ ।

पहिला ब्याटिङ गरेको अफगानिस्तान ३४ ओभर एक बलमा एक सय २५ रनमा अलआउट भयो । उसका तीन जना खेलाडीलेमात्र दोहोरो अंकको रन बनाउन सके । सर्वाधिक रन राशिद खानले बनाए । उनले २५ बलमा ६ वटा चौका हान्दै ३५ रन बनाएका थिए ।

ओपनर नुर अलि जद्रानले ३२ र हज्रतुल्लाह जजाईले २२ रन बनाउनु बाहेक अन्य कुनै खेलाडीले १० रन कटाउन सकेनन् ।अफगानिस्तानलाई सस्तैमा रोक्नका लागि इम्रान ताहिरले चार विकेट लिए भने क्रिश मोरिसले तीन विकेट हात पारे । फेलुकवायोले दुई तथा कागिसो रबाडाले एक विकेट हात पारे ।

अफगानिस्तानले दिएको १२६ रनको लक्ष्य दक्षिण अफ्रिकाले २७.४ ओरभमा एक विकेट गुमाउँदै पूरा ग¥यो । दक्षिण अफ्रिकाका लागि क्वीन्टन डि ककले ६८ रन बनाएका थिए । हसिम अमलासँग मिलेर डि ककले १०४ रनको साझेदारी गरेका थिए । हसिम अमलाले अविजित ४० रन बनाए ।

 

यस लेखमा उल्लेखित विषयहरु

Related Stories

More Stories

Latest