सिनियर टिमकाे क्याम्प बिहिबारबाट, नन्दन यादव पहिलाे पटक समावेश

आसन्न आइसीसी टी–२० विश्वकको एशिया छनोटका लागि पहिलो चरणमा २५ जना खेलाडीलाई बन्द प्रशिक्षणमा बोलाइएको छ । जसमा पहिलो पटक नन्दन यादवले स्थान बनाएका छन भने जितेन्द्र मुखीया र राजु रिजालले कमब्याक गर्न सफल भएका छन ।

सिंगापुरमा जुलाई २२ देखि २८ सम्म हुने प्रतियोगिताका लागि पहिलो चरणमा समावेश गरिएका २५ खेलाडीमा पारस खड्का, अभिनाश बोहोरा,अमित श्रेष्ठ,बसन्त रेग्मी,भिम शार्की,विनोद भण्डारी, दिपेन्द्रसिंह ऐरी रहेका छन ।

यस्तै ज्ञानेन्द्र मल्ल, जितेन्द्र मुखिया, करण केसी, कुशल भुर्तेल, ललित भण्डारी, ललितनारायण राजवंशी, आरिफ शेख, नन्दन यादव, पवन सराफ, प्रदिप ऐरी, राजु रिजाल, रोहितकुमार पौडेल, सन्दिप लामिछाने, साहव आलम, शरद भेषवाकर, सोमपाल कामी, सन्दिप जोरा, सुसन भारी रहेका छन ।

टिमले ५ गतेबाट बन्द प्रशिक्षण सुरु गर्नेछ । प्रशिक्षणमा जितेन्द्रले झण्डै दुई बर्षपछि कमब्याक गरेका हुन । पछिल्लो पटक चोटका कारण पनि उनी मैदान बाहिर रहदै आएका थिए । तर उनले फ्रेन्चाइजी लिग खेलेपनि राम्रो प्रदर्शन गर्न नसक्दा राष्ट्रिय टिमको क्याम्पमा पर्न सकेका थिएनन् । यस्तै युवा खेलाडी अमित श्रेष्ठले पनि पहिलो चरणमा स्थान बनाएका छन । क्याम्पमा यू–१९ टिमका पूर्व कप्तान राजु रिजालले पनि स्थान बनाएका छन ।

यसपटक टिममा अनिल शाह, दिलिप नाथले स्थान बनाउन सकेनन् । नेपाली टिमले टी–२० विश्वकपको एशिया छनोट अगाडी एक साताका लागि बैदेशिक प्रशिक्षणको योजना बनाएको छ । तर आइसीसीले सो योजनाको एकिन भने गर्न सकेको छैन । सिंगापुरमा हुने प्रतियोगितामा नेपालले पहिलो खेल कतारसँग खेल्नेछन ।

यस लेखमा उल्लेखित विषयहरु

Related Stories

More Stories

Latest