एशिया कप छनाेटका लागि नेपाली यू-१९ टिम आज मलेसिया जाँदै

नेपाली यू–१९ क्रिकेट टिम खेल्न नेपाली क्रिकेट टिम आज मलेसिया जान लागेको छ । शुरुमा ८ टिम सहभागी हुने भनिए पनि अन्तिम समयमा म्यानमारले टिमबाट नाम फिर्ता लिएपछि नेपाल रहेको समूहमा ३ टिमले प्रतिस्पर्धा गर्ने छन् ।

म्यानमारले नखेल्ने भएपछि अब समूह ए मा नेपाल, चीन र सिंगापुर मात्र हुनेछन् । यसअघि प्रतियोगिता ८ राष्ट्र सहभागी हुने भए पनि अब ७ राष्ट्रले मात्र प्रतिस्पर्धा गर्नेछन् । यस्तै यसअघिको तालिका अनुसार नेपालले पहिलो खेल जुलाई २ मा म्यानमारसँग खेल्ने तय भएको थियो ।

अब नेपालले जुलाई ३ मा चीनसँग खेल्दै प्रतियोगिताको सुरुवात गर्नेछ । यसअघिको नेपालले दोस्रो खेल ५ तारिखमा चीन र ६ तारिखमा सिंगापुरसँग खेल्ने तालिका थियो । अब नेपालले दोस्रो खेल ५ तारिखमा सिंगापुरसँग खेल्नेछ । नेपालले एक खेलमात्र जिते पनि समूह चरण पार्ने सम्भावना बढेको छ । प्रतियोगिता खेल्न आइतबार मलेसिया जाँदै छ ।

घरेलु मैदानमा करीव दुई साताको तयारीपछि मलेसिया जान लागेको नेपाली युवा टिमले यसपटक उपाधि रक्षा गर्ने लक्ष्य राखेको छ । प्रतियोगिताको उपाधि दावेदारका रुपमा रहेको नेपाललाई समूह चरण सहजै रहे पनि सेमिफाइनल र फाइनलमा भने केहि चुनौती हुन सक्नेछ । समूह चरणमा म्यानमार यसअघि म्यानमार विरुद्ध पहिलो खेल खेल्ने बताइए पनि अन्तिममा म्यानमारले नाम फिर्ता गरेपछि नेपाललाई समूह चरण पार गर्न अझ सजिलो भएको छ । अब नेपालले चीन र सिंगापुरसँगमात्र खेल्नेछ ।

जसमा एक खेलमा जित निकाले उसले अन्तिम चारमा स्थान बनाउनेछ । तर नेपाल सिंगापुर क्रिकेटका बारेमा जानकार भए पनि चीनको टिम कस्तो छ, त्यसमा अनभिज्ञ रहेको छ । प्रशिक्षक विनोद दासले पनि यसपटक समूह चरणमा चीन सरप्राइज हुनसक्ने बताएका थिए ।

उनले अरु टिमका बारेमा जानकार भए पनि चीन कस्तो टिम बनेको छ, त्यो जानकारी नभएको बताए । नेपालको असली परीक्षा सेमिफाइनलबाट हुनेछ । समूह बी मा उपाधिको अर्को दावेदार मलेसिया र हङकङ रहेका छन । केहि महिना अगाडी मलेसियामा नै भएको यू–१९ विश्वकप छनोटमा घरेलु टिमले नेपाललाई पछि पार्दै विश्वकपका लागि छनोट भएको थियो । सो बेला बर्षा बाधक भने पनि मलेसियाविरुद्धको खेल नै नेपालका लागि ठूलो घातक बनेको थियो ।

साविक विजेताका नाताले नेपाली टिममा यसपटक अनुभवी र नयाँ खेलाडीको समिश्रण रहेको छ । यसअघि मेलसियामा नै भएको प्रतियोगिता खेलेका अधिकांश खेलाडी यतिबेला टिममा रहेका छन् । जसमा विश्वकप छनोटमा सर्वाधिक रन बनाउने खेलाडी बनेका रोहितकुमार पौडेललाई दोहोरो जिम्मेवारी छ ।

मैदानमा टिमलाई सम्हाल्नुका साथै ब्याटिङमा पनि आफ्नो उत्कृष्ट लयलाई निरन्तरता दिनुपर्नेछ । विश्वकप छनोटमा उनले ५ खेलमा एक सय ९४ रन बनाएका थिए । जसमा उनको सर्वा्धिक स्कोर ९५ रन रहेको थियो । सो प्रतियोगितामा उनले दुई वटा अर्धसतक बनाएका थिए । उनले ओमान विरुद्ध पनि ७५ रन बनाएका थिए । यस्तै रित गौतम पनि यसपटक टिममा नै छन् । उनले विश्वकप छनोटमा कुल ५ खेलमा एक सय ५६ रन बनाएका थिए । जसमा उनले एक अर्धसतक हानेका थिए । कुवेत विरुद्धको खेलमा उनले ६२ रन बनाएका थिए ।

अलराउण्डर पवन सराफ टिमका महत्वपूर्ण सदस्य हुन । टिमले चाहेको खण्डमा ब्याट र बल दुबैमा योगदान गर्नसक्ने पवनले यसअघि मलेसियामा नै भएको विश्वकप छनोटमा धेरै रन बनाउने तेस्रो नेपाली खेलाडी बनेका थिए । उनले ५ खेलमा एक सय ३६ रन बनाएका थिए । जसमा एक अर्धसतक थियो । उनले कुवेत विरुद्ध ५३ रनको पारी खेलेका थिए ।

ब्याटिङमा मात्र होइन बलिङपनि पवन नेपालका लागि धेरै विकेट लिने खेलाडी बनेका थिए । उनले ५ खेलमा नौ विकेट लिएका थिए । यसपटकको टिमका अर्का सदस्य हुन भीम शार्की । फिल्डिङमा उत्कृष्ट रहेका भिमले ब्याटिङमा पनि टिमका लागि विस्फोटक पारि खेल्न सक्छन् । उनले विश्वकप छनोटमा कुल एक सय १८ रन बनाएका थिए । जसमा युएई विरुद्ध ५३ रनको अर्धसतकीय पारी खेलेका थिए ।

यसपटक पनि उनको प्रदर्शन टिमका लागि निकै महत्वपूर्ण हुनेछ । यस्तै हरी चौहान, प्रतिश जिसी, कमलसिंह ऐरी पनि टिमका मूख्य हतियार हुन् । यी तीनै खेलाडीले विश्वकप छनोटमा राम्रो प्रदर्शन गरेका थिए । ब्याटिङमा मात्र होइन बलिङमा पनि नेपाली युवा टिम अब्बल रहेको छ । कुशल मल्ल, कमलसिंह ऐरी, रसिद खान, प्रतिश जिसीले विपक्षीलाई निकै दबाव दिने गर्छन् । विश्वकप छनोटमा पनि पवन बाहेक कुशल मल्लले आठ, कमलसिंह ऐरीले चार रोहित पौडेलले तीन, रासिद खानले तीन विकेट लिएका थिए । प्रतिश जिसीले दुई विकेट लिए ।

अब यसपटक एशिया कप छनोटमा स्थान बनाउन विश्वकप छनोटमा नेपालको प्रदर्शनलाई अझ उत्कृष्ट गर्न आवश्यक छ । यसपटक टिममा दुई जना नयाँ खेलाडी पनि छन्, उनीहरुले यू–१६ लेभरमा राम्रो प्रर्दशन गरिसकेकाले यू–१९ मा पनि आफ्नो क्षमता देखाउनेमा टिमको विश्वास छ ।

यस लेखमा उल्लेखित विषयहरु

Related Stories

More Stories

Latest