एसीसी यू–१९ इस्टर्न रिजन क्रिकेटको उपाधि नेपाललाई

एसीसी यू–१९ इस्टर्न रिजन क्रिकेटको उपाधि नेपालले जितेको छ । मलेसियाको किनरारा ओभल मैदानमा हङकङलाई ६ विकेटले पराजित गर्दै लगातार दोस्रो पटक उपाधि जितेको हो । उपाधि जितेसँगै नेपाल श्रीलंकामा आयोजना हुने एसिया कप यू १९ क्रिकेटका लागि छनोट भएको छ ।

हङकङले दिएको ९६ रनको लक्ष्य नेपालले १६.१ ओभरमा ४ विकेट गुमाएर पुरा गरेको थियो । नेपालको जितमा ओपनर ब्याट्सम्यान पवन शर्राफ र रीत गौतमले ३९ बलमा ५२ रनको साझेदारी गर्दै वलियो आधार तयार पारेका थिए । रीत १३ रन बनाएर आउट भए । उनले २ चौका प्रहार गरे । त्यसपछि क्रिजमा आएका खडक बहादुर बोहरा र पवनले २३ रनको साझोदारी गर्दै टिमलाई जित नजिक लगेका थिए । पवन ३९ रन बनाएर आउट भए ।

३९ रनमा आउट भएका पवनले ३६ बल फेस गर्दै ५ चौका र १ छक्का प्रहार गरे । यस्तै खडकले ८ रन बनाएर आउट हुँदा २२ बल फेस गर्दै १ चौका प्रहार गरेका थिए । राेहित क्रिजमा आएपछि ४ रनकाे साझेदारी गर्दै खडक आउट भएका थिए । त्यसपछि भीम सार्की र राेहितले टिमकाे स्काेर ९३ रन पुर्‍याएका बेला राेहिल क्याच आउट भए । राेहित १२ रनमा पेभेलियन फर्किएका हुन् ।

क्रिजमा भीम र हरिबहादुर चाैहानले २ रन लिँदै नेपाललाई च्याम्पिएन बनाए । भीम ८ रनमा नट आउट रहँदा खाता नै नखाेली हरिले साथ दिए । हङकङका मोहम्मद हसन खान, माेहम्मद हसन र राैनक कपुरले एक एक विकेट लिए ।

टस हारेर पहिला ब्याटिङ गरको हङकङले ४३.१ ओभरमा ९५ रन बनाउँदा सबै विकेट गुमाएको थियो । पहिलो पटक टस गर्दा क्वाइन भुँईमा सिधै गाडिएपछि दोस्रो पटक टस गर्नु परेको थियो ।

नेपाली युवा लेगस्पिनर सागर ढकालले हङकङको ब्याटिङ लाइन अपलाई ध्वस्त बनाउन सफल भए । पहिलो ओभरमै मेडन विकेट लिएका सागरले ५ विकेट लिए । पहिलो र दोस्रो विकेटको साझेदारी सागरले सुन्यरनमै तोडेका थिए । तेस्रो विकेटका लागि भने हङकङले भने २९ रनको साझेदारी गरेको थियो । अदित गोररा र कालन मार्कले यो साझेदारी गरेका थिए । तर मार्कलाई हङकङको स्कोर २९ रन हुँदा सागरले नै व्यक्तिगत तेस्रो सिकार गरे ।

मार्क जम्मा १९ रन बनाएर आउट भए । उनले २ चौका र १ छक्का प्रहार गर्दै नेपाली फिल्डरमाथि दवाव बनाउने प्रयास गरेका थिए । त्यसपछि चौथो विकेटको साझेदारी पनि सून्यमै तोडियो । चौथो विकेटको रुपमा सागरले आरुस भागवतलाई खाता खोल्न नदिइ पेभेलियनको बाटो देखाए ।

यस लेखमा उल्लेखित विषयहरु

Related Stories

More Stories

Latest