वुम्नस च्याम्पियन्स लिगकाे उपाधिका लागि भाेली क्याट क्विन्स काठमाडाैं र चितवन राइनाेज विच प्रतिस्पर्धा हुँदैछ । फाइनल अगाडी चन्द्रागिरीमा भएकाे पत्रकार सम्मेलनमा बाेल्दै क्याट क्विन्सकी कप्तान रूविना क्षेत्री उपाधिका बारेमा गरिएकाे कुराकानीः
हामीले सुुरुमा हारेकाले त्यसको गल्ति सच्याउँदै खेल्ने तयारीमा छौं । कसरी राम्रो खेल्ने भनेर हामीले प्लानिङ गर्छौं । एक खेलमा पराजित भए पनि पछिल्ला खेलमा गरेको प्रदर्शनका आधारमा राम्रोसँग खेल्ने तयारीमा छौं । अहिलो हाम्रो टिमले कसरी बेस्ट क्रिकेट खेल्छ भन्ने कुरामा फोकस हुन्छौं । फाइनल एकदमै प्रतिस्पर्धात्मक हुन्छ जस्तो लागेको छ ।
किनभने दुवै राम्रो टिम फाइनलमा पुगेका छौं । सवैलाई उत्सुकता पनि छ फाइनल कस्तो होला भनेर । हामी त्यस्तै खालको गेम खेल्ने कोशिस गर्छौं । एउटा लस पछाडि जस्तो किसिमले टिमले कम्ब्याक गरको छ । एकदमै फाइटिङ स्प्रिट देखाएको छ । हिजोको म्याचमा ४४ रन बनाउँदासम्म विकेट लिन नसकेपनि ७० मा प्याक गर्नु भनेको एकदमै राम्रो प्रदर्शन हो । मेरो टिमका खेलाडीहरुलाई थाहा छ की हामी कस्तो पोजिसनमा रहन्छौं भनेर । एउटा कन्फिडेन्स बढेको छ । सवै टिम जितको भोको हुन्छन् ।
हामी पनि त्यही अनुसार भोलि जित्नेमा विश्वस्त छौं । यो प्रतियोगिता एकदमै राम्रो भयो । म्यानेजमेन्ट, मिडिया सबैले राम्रो सहयोग गर्नुभयो । जसरी हुन्छ महिला क्रिकेटलाई प्रमोट गर्नुपर्छ भनेर लाग्नु भएको छ । त्यो देख्दा हामीलाई अझै आत्मविश्वास बढेर आउँछ । अहिले हामीले चाहेको जस्तो माहोल बनेको छ ।
म टिम क्याप्टेन भइसकेपछि मेरो जिम्मेवारी धेरै नै छ । यो टुर्नामेन्ट ओभर अल देशकै कप्तान भएर पनि एक्जाम्पल सेट गर्नुपर्ने छ । हाम्रो टिममा भएका खेलाडी सबैले आफै जिम्मेवारी लिन तयार र सक्षम छ । म रुविना भन्दा पनि मेरो टिमका अरु खेलाडीले प्रदर्शन गरेको देख्दा एकदमै खुशी हुन्छु । भोलिको फाइनलमा म राम्रो त खेल्छु नै अरुले पनि राम्रो खेलेर अझ राम्रो गर्न सकिन्छ की भन्ने हो ।
यो प्रतियोगिता नेपालमै आयोजना हुन लागेको साग गेम्सको तयारीको रुपमा पनि लिएको छु । अहिलेको जस्तो माहोल एकै पटक सागमा फेस गरेको भए अलि अप्ठेरो हुन्थ्यो । यो प्रतियोगिताले हामीलाई फेस गर्न सहज बनाएको छ । अहिलेको अवस्थामा महिला क्रिकेटका लागि डव्ल्यूसीएलले नयाँ आशाको सञ्चार गरेको छ ।
यता चितवनकी कप्तान इन्दुले पनि टिम उपाधिका लागि तयार रहेकाे प्रतिक्रिया दिइन । उनले भनिन- एकदमै उत्साहित छु । सबै म्याच जितेर आएका छौं । भोलि फाइनल भएकाले जस्तो खेलेका छौं त्यसैलाई निरन्तरता दिने छौं । र फाइनल जित्ने छौं । फाइनल जित्नेमा एकदमै कन्फिडेन्स छौं । चार वटै गेम जितेको कारणले मेरो टिमका खेलाडीमा कन्फिेन्डेन्स एकदमै हाइ नै छ ।
काठमाडौंले हामीसँग हारेको हो । तर उसले पनि पछिल्ला चार गेम जित्दै फाइनलसम्म आएकाले भोलिको म्याचमा हाम्रो चितवनले अझै बढी कन्फिडेन्स बुस्टअप गरेर जाने छौं । तर नतिजाका लागि भोलि हेरौं । प्रतियोगिता एकदमै राम्रो भयो । यत्रो लिग नेपालमा हुनु भनेको धेरै ठूलो कुरा हो । यो प्रतियोगिताले नेपाली महिला क्रिकेट टिमलाई धेरै नै फाइदा दिएको छ ।
कति लुकेका महिला खेलाडीहरु यो प्रतियोगिताका कारण देखिन पाएका छन् । मेरो व्यक्तिगत प्रदर्शनको कुरा गर्ने हो भने शुरु को एक दुई वटा म्याचमा म सन्तुष्ट छैन । त्यसपछिका खेलमा राम्रो नै भएको छ । भोलिको प्लानिङ गरिरहेका छौं । अहिलेसम्म सवै खेलाडीले हन्ड्रेड प्रतिशत दिएर नै यो नतिजा पाएका छौं सबैले बेस्ट दिएर खेल्ने हो । हामी जित्नकै लागि खेल्छौं ।