विराटनगर टाइटन्सले पोखरा पल्टनलाई १४६ रनको लक्ष्य

पोखरा प्रिमियर लिगमा विराटनगर टाइटन्सले पोखरा पल्टनलाई १४६ रनको लक्ष्य दिएको छ । पुनित मेहराको अर्धशतकीय पारिको मद्दतले विराटनगरले निर्धारित ओभरमा ५ विकेटको नोक्सानीमा १४५ रन बनाएको हो ।

पोखरा मैदानमा टस हारेर पहिला ब्याटिङ गरेको विराटनगरले शुरुआत भने राम्रो गरेको थियो । तर मिडिल अर्डरका ब्याट्सम्यानहरु चल्न नसक्दा इनिङ्स धरमराएको थियो ।

पहिलो विकेटका लागि सुनिल धमला र मोहम्मद जइद आलमका बीचम ५० रनको साझेदारी भएको थियो । जइद २६ रन बनाएर आउट भए । यसैगरी दोस्रो विकेट विराटनगरले टिमको स्कोर ६८ रन हुँदा सुनिल धमालाको रुपमा गुमायो । धमला ३६ रन बनाएर पेभेलियन फर्किएका थिए । कप्तान प्रदीप सिंह ऐरी भने रन आउट हुन पुगे । उनी ६ रन बनाएर रन आउट हुँदा विराटनगर ६८ रनमै रोकिएको थियो ।

७२ रन हुँदा चौथो विकेटको रुपमा नोमान खानलाई गुमाउन पुग्यो । नोमानले १ रनको मात्र योगदान गरे । ७६ रन हुँदा पाँचौं विकेटको रुपमा लोकेश बम व्यक्तिगत २ रनमा मैदानबाट बाहिरिए । पुनित मेहरा र राजु रिजालले धरमराएको विराटनगरको इनिङ्स उकास्दै १०० रन कटाएका थिए । यसैगरी २३ बलमा पुनितले अर्धशतक प्रहार गरे ।

समग्रमा २६ बल खेलेका पुनितले ५ चौका र ४ छक्कासहित ६१ रनमा नट आउट रहे । राजु रिजाल पनि ९ रनमा अविजित रहे । पोखराका लागि कप्तान शरद भेषावकरले २ विकेट लिँदा कुशल मल्ल र सर्वजित लड्डाले एक एक विकेट लिए ।

यस लेखमा उल्लेखित विषयहरु

Related Stories

More Stories

Latest