वेस्ट इण्डिजविरुद्ध भारत १०७ रनले विजयी

वेस्ट इण्डिजविरुद्धको दोस्रो एक दिवसीय क्रिकेटमा भारत १०७ रनले विजयी भएको छ । यो जितसँगै सिरिज १–१ को बराबरीमा आएको छ । तेस्रो तथा अन्तिम एक दिवसीय आइतबार हुने छ ।

विशाखपट्नममा बुधबार भएको खेलमा ३८८ रनको लक्ष्य पछ्याएको वेस्टइण्डिजले ४३.३ ओभरमा सवै विकेट गुमाएर १८० रन मात्रै बनाउन सक्यो । वेस्टइण्डिजको पारि ध्वस्त बनाउने क्रममा कुलदीप यादवले ह्याट्रिक विकेट लिए । कुलदीपले ३२.४ ओभरमा साइ होपलाई आउट गर्दै पहिलो विकेट लिएका थिए । साइ होपले आक्रामक तरिकाले रन बनाउँदै भारतमाथि दवाव दिएका थिए । होप ७८ रन बनाएर आउट भए ।

३२.३ ओभरमा जेशन होल्डरलाई आउट गर्दै दोस्रो सफलता हात पारे । होल्डर ११ रन बनाएर आउट भएका थिए । ह्याट्रिक विकेटको रुपमा कुलदीपले अलजारी जोसेफलाई आउट गर्दै ह्याट्रिक पुरा गरे । कुलदीप अन्तर्राष्ट्रिय क्रिकेटमा २ पटक ह्याट्रिक लिने पहिलो भारतीय खेलाडी पनि बनेका छन् । उनले २०१७ मा अस्ट्रेलियाविरुद्ध पनि ह्याट्रिक लिएका थिए । मोहम्मद सामीले २९ औं ओभरमा लगातार २ विकेट लिएका थिए । ७५ रन बनाएर खेलिरहेका निकोलस पुरनलाई सामीले आउट गरेका थिए । त्यस लगत्तै अर्को बलमा पनि सामीले विकेट लिए । उनले किरोन पोलार्डलाई खाता नै खोल्न दिएनन् । अन्तिम विकेटको रुपमा सामीले किमो पौललाई आउट गरेका थिए । रविन्द्र जडेजाले २ विकेट हात पार्दा सार्दुल ठाकुरले एक विकेट लिए ।

वेस्ट इण्डिजका किमो पौल र खेरि पेरेरले इनिङ्स अघि बढाए पनि जित भने दिलाउन सकेनन् । खेरि २१ रनमा आउट भए । किमो पौल
टस हारेर पहिला ब्याटिङ गरेको भारतका लागि रोहित शर्माले १५९ तथा केएल राहुलले १०२ रनको शतकीय पारि खेलेपछि निर्धारित ५० ओभरमा ५ विकेट गुमाएर ३८७ रन बनाएको थियो । वेस्टइण्डिजका कप्तान किरोन पोलार्डले टस जितेर पहिला फिल्डिङ गर्ने निर्णय गरेका थिए ।
उनको टिममा सुनील अम्ब्रिस र हेडन वाल्सको ठाउँमा एविन लुईस र खेरी पिएरेलाई मौका दिइएको थियो । आजको खेलमा शिबम दुबेको ठाउँमा शार्दुल ठाकुरलाई स्थान दिइएको छ । टस हारेर पहिला ब्याटिङ गरेको भारतले उत्कृष्ट शुरुआत गरेको थियो । पहिलो विकेटका लागि रोहित शर्मा र केएल राहुलले ३७ ओभरमा २२६ रनको साझेदारी गरेका थिए ।
रोहितले १०७ बलमा २८ औं एकदिवसीय शतक बनाए । राहुलले १०२ बलमा तेस्रो शतक प्रहार गरे । ३७ औं ओभरमा राहुल आउट भए लगत्तै ३८ औं ओभरमा २३२ रन हुँदा कप्तान विराट कोहली खाता नै नखोली आउट भए ।
ओपनिङ आएका रोहितले श्रेयस अय्यरसँग् मिलेर तेस्रो विकेटका लागि ६० रनको साझेदारी गरे । रोहितले १३८ बलमा १७ चौका र ५ छक्काको मद्दतले १५९ रन बनाए । रोहित आउट भएपछि अय्यरले ऋषभ पन्तसँग मिलेर चौथो विकेटका लागि ७३ रनको साझेदारी गर्दै टिमको स्कोर ३५० कटाएका थिए । पन्त चार चौका र तीन छक्काको मद्दतले १६ बलमा ३९ रन बनाउँदै आउट भए ।
अय्यरले ३२ बलमा ५३ रनको योगदान गर्दै लगातार चौथो एक दिवसीय क्रिकेटमा अर्धशतक बनाए । भारतले अन्तिम १० ओभरमा १२७ रन बनाएको थियो । केदार जाधव १६ तथा रविन्द्र जडेजा खाता नै नखोली नट आउट रहे ।
वेस्ट इण्डिजका लागि शेल्डन कटरेलले २ तथा किमो पल, अल्जारी जोसेफ र किरोन पोलार्डले एक एक विकेट लिए ।

यस लेखमा उल्लेखित विषयहरु

Related Stories

More Stories

Latest