करणकाे त्याे अबिश्वसनिय पारी…

नेपाली क्रिकेटका लागि फेब्रेवरी १४ अर्थात भ्यालेन्टाइन डे काे दिन राष्ट्रिय टिमले विशेष उपहार दियाे । त्याे थियाे पहिलाे पटक एकदिवसिय मान्यता दिलाउने ढाेका खाेल्नु ।

आईसीसी विश्व क्रिकेट लिग डिभिजन-२ मा क्यानडाविरुद्ध जीत निकाल्दै नेपाली क्रिकेटको नयाँ अध्याय पनि शुरु भएको थियो । जसमा करण केसीले नेपाललाइ बिशेष उपहार दिएका थिए । सन् २०१८ मा आईसीसी विश्व क्रिकेट लिग डिभिजन-२ नामिबियाको विन्डहकमा नेपालले क्यानडासँगकाे त्याे जादुमयी जित सायदै कसैले बिर्सन्छन हाेला ।

क्यानडाविरूद्धकाे खेलमा टस जितेर पहिले बलिङ राेजेकाे थियाे । जसमा क्यानडाले ५० ओभरमा ८ विकेट गुमाएर १ सय ९४ रन बनायो । त्यसपछि पालाे नेपालकाे ब्याटिङकाे थियाे । १ सय ९५ रनको लक्ष्य पछ्याएको नेपालले ४२ ओभर एक बलमा ९ विकेट गुमाएर १ सय ४४ रन मात्रै बनाएको थियो । हातमा थियाे एक विकेट र बनाउनु थियाे ४७ रन । यस्ताेमा नेपाली क्रिकेट टिम निकै निरास बनिसकेकाे थियाे । कारण मुखैमा अाएकाे एकदिवसिय मान्यता नपाइने भयाे भनेर । ड्रेसिङ रूममा काेहि खेलाडीकाे मुहारमा हासाे थिएन । सबै तनावमा नै थिए ।

यस्तो अवस्थामा अन्तिम विकेटका लागि क्रिजमा थिए करण केसी र सन्दीप लामिछाने । टिममा उनीहरूमाथि झिनाे अाशा त थियाे, तर सतप्रतिशत एकिन भने थिएनन् । उता क्यानडाका खेलाडीहरू एेतिहासिक उपलब्धि हात पाइने भयाे भनेर बाउन्ड्री लाइनमा खुसी मनाउने कुरेर बसेका थिए । हुन पनि अन्तिम विकेटले यति ठुलाे साझेदारी गर्छ भनेर कमैले साेचेका थिए । तर करण र सन्दिपले चमत्कार नै गरे ।

टिममा सबै खेलाडी बाहिरीसकेका बेला बलरहरूले नेपालकाे साख बचाए । नवौं विकेटमा मैदान प्रवेश गरेका करण केसीले करियरकै उत्कृष्ट प्रदर्शन गरे । उनले ३१ बलमा ४ छक्का र ३ चौका प्रहार गर्दै ४२ रन बनाएका थिए भने लामिछानेले १८ बलमा ५ रन बनाउँदै करणलाई दरिलाे साथ दिए ।

जसकाे खुसी खेलाडीले मात्र हाेइन नेपाली समर्थकले पनि निकै उल्लासपुर्ण तरिकाले मनाए । त्याे खेलपछि नेपालले ४ वर्षका लागि एकदिवसिय क्रिकेटको मान्यता पायाे । यदि त्यो खेल हारेको भए अहिले नेपाली क्रिकेट कहाँ हुन्थ्यो कसैलाइ थाहा छेन । तर, जीत हात पारेर नेपालले २०१८ को मार्चमा जिम्बाबेमा भएको आईसीसी वल्डकप क्वालिफायर खेल्याे । क्वालिफायरको समूह ‘बी’ मा रहेको नेपालले ४ खेलमा १ मा जीत र ३ मा हार व्यहोर्दा ४ वर्षका लागि एकदिवसिय अन्तर्राष्ट्रिय मान्यता पाएको थियो ।

करणकाे त्याे प्रदर्शनले उनी नेपाली क्रिकेटमा एउटा स्टार खेलाडीकाे दर्जामा पुगे । त्याे खेल अघिका करण र त्यसपछि करणमाथिकाे हेराइ सबैकाे फरक पर्याे । हुनपनि उनले टिमका लागि चाहिएकाे बेला ठुलाे याेगदान गरेका छन । अाेमानमा भएकाे नेदरल्याण्ड्सविरूद्धकाे खेलमा पनि करणले अन्तिम अाेभरमा बिस्फाेटक ब्याटिङका कारण पहिलाे जित दिलाएका थिए ।

राष्ट्रिय क्रिकेट टोलीका पूर्वकप्तान पारस खड्काले सो खेलको सम्झनामा सामाजिक सञ्जालमा स्टाटस लेख्दै क्रिकेट इतिहासको उत्कृष्ट क्षणका रुपमा ब्याख्या गरेका छन् ।

अहिले नेपाल आईसीसी विश्वकप क्रिकेट लिग(२ अन्तर्गतको एकदिवसिय त्रिकोणात्मक शृङ्खला खेलिरहेको छ । विश्वकप २०२३ को छनोट अन्तर्गतको शृङ्खलाको शुरुवात काठमाडौंबाटै गरेको नेपालले ४ खेलमा २ मा जीत हात पार्दै शुखद् शुरुवात गरेको छ ।