वमन्स टी २० विश्वकपमा भारतले विजयी सुरुवात

आइसीसी वमन्स टी २० विश्वकपमा भारतले विजयी सुरुवात गरेको छ । प्रतियोगिताको पहिलो खेलमा भारतले घरेलु टिम अष्ट्रेलियालाई १७ रनले हरायो ।

सिड्नीमा भएको खेलमा टस हारेर ब्याटिङको निम्तो पाएको भारतले २० ओभरमा चार विकेट गुमाउँदै एक सय ३२ रन बनायो ।

राम्रो सुरुवात गरेको भारतले पहिलो विकेटका लागि ४१ रनको साझेदारी गरेको थियो । उसकी ओपनर स्मृती मन्धाना १० रनमा आउट भइन । त्यसपछि सफाली बर्मापनि २९ रनमा पेभेलियन फर्किदा भारतले ४३ रनमा दोस्रो विकेट गुमायो ।

त्यसपछि क्रिजमा आएकी कप्तान हरमनप्रित कौर मात्र दुई रन आउट हुँदा भारतले ४७ रनमा तेस्रो विकेट खेर फाल्यो । तर चौथो विकेटका लागि दिप्ती शर्मा र जेमीमा रोद्रिगुइजले अर्धशतकीय साझेदारी गरे । जसमा जेमीमाले २६ रन बनाए ।

अन्तिममा भारतका लागि दिप्ती शर्माले ४९ रनको पारी खेलिन ।

जवाफमा अष्ट्रेलिया १९ ओभर ५ बलमा एक सय १५ रनमा रोकियो । उसका दुई खेलाडीले मात्र दोहोरो अंक जोड्न सकेन ।

मध्यम सुरुवात गरेको अष्ट्रेलियाको मध्यक्रमका खेलाडीले ध्वस्त प्रदर्शन गरे । उसका लागि एलिशा हिलेले सर्वाधिक ५१ रन बनाइन । उनले ३५ बलमा छ चौका र एक छक्का प्रहार गरीन ।

३२ रनमा पहिला विकेट गुमाएको अष्ट्रेलियाले ५५ रनमा दोस्रो तथा ६७ रनमा तेस्रो विकेट खेर फालेको थियो । त्यसपछि पनि उसको विकेट झर्ने क्रम यतिमा रोकिए । उनले ८२ रन बनाउँदा ६ विकेट गुमाउन पुग्यो । अष्ट्रेलियाको लागि एस्लेइघ गार्डनेरले ३४ रन बनाइन ।

अष्ट्रेलियालाई कम स्कोरमा रोक्न पुनम पाण्डेले चार तथा शिखा पाण्डेले ३ विकेट लिइन ।

यस लेखमा उल्लेखित विषयहरु

Related Stories

More Stories

Latest