एसीसी टी २० इस्र्टन रिजनमा नेपाललले लगातार दोस्रो हार ब्यहोरेको छ । आज भएको खेलमा नेपाल हङकङसँग ४३ रनले पराजित भयो । यो हारपछि नेपालको शिर्ष दुईमा रहने संभावना निकै कमजोर बनेको छ । विश्व बरियतामा आफु भन्दा ११ स्थान तल रहेको हङकङसँगको हारमा नेपालको ब्याटिङ नै मुख्य कारण बन्यो ।
टस हारेर पहिला ब्याटिङ गरेको हङकङकले निर्धारित ओभरमा ६ विकेट गुमाएर १५४ रन बनाएको हो । नेपालविरुद्ध हङकले राम्रो प्रदर्शन गरेको छ । नेपालका बलरहरु आज पनि त्यति सफल हुन सकेनन् । नेपालका सुशन भारी र सन्दीप लामिछानेले दुई दुई विकेट लिए भने कुशल मल्लले एक किेट लिए ।
सुशन र सन्दीपको चार ओभरको स्पेल पनि पुरा गर्दा करणले ३ ओभर बलिङ गरे । सुशनले चार ओभरमा ३७ रन दिएर २ विकेट लिएका हुन् भने सन्दीपले चार ओभरमा २५ रन खर्चिएर २ विकेट लिए । कुशल मल्लले भने तीन ओभरमा १६ रन दिँदै एक विकेट लिएका छन् ।
आजको खेलमा करण केसी, अविनाश बोहोरा र पारस खड्काले पनि बलिङ गरेपनि विकेट विहीन बने ।
टस हारेर पहिला ब्याटिङ गरेको हङकङले पहिलो विकेटका लागि ५८ रनको साझेदारी गर्दै नेपालमाथि दबाव कायम गरेको थियो ।
७.५ औं ओभरमा नेपालका लागि स्पिनर सुशन भारीले पहिलो सफलता दिलाएका हुन् ।
उनले साहिद ओसिफलाई आउट गरे । ओसिफ २३ बलमा २६ रन बनाएर पभेलियन फर्किए । दोस्रो विकेटको रुपमा सुशनले दशौं ओभरका निजत खानलाई आउट गरे । उनी अर्धशतक नजिक (४८) मा पुगेका बेला कुशल मल्लको हातबाट क्याच आउट गराउँदै पभेलियनको बाटो देखाए ।
११ औं ओभरमा नेपालका सन्दीपले तेस्रो सफलता दिलाए । सन्दीपले हङकङको स्कोर ८५ रन हुँदा किनचित साहलाई सून्य रनमै पभेलियन पठाए । हङकङको ११० रन हुँदा नेपाललाई कुशल मल्लले चौथो सफलता दिलाए । उनले १४ औं ओभरमा हारुन मोहम्मद अर्सदलाई आउट गरेका हुन् । उनी २७ रन बनाएर पभेलियन फर्किएका छन् ।
पाँचौं सफलता सन्दीपले दिलाए । आफ्नो स्पेलको अन्तिम ओभर लिएर आएका सन्दीपले जेम्स जोनलाई आउट गरे । नेपालले छैटौं सफलता रन आउट मार्फत हात पारेको हो । दीपेन्द्रसिंह ऐरीले मोहम्मद ऐजज खानलाई रन आउट गरेका थिए । खानले २९ रन जोडे ।
पहिलो खेलमा मलेसियासँग २२ रनले पराजित भएको नेपालका लागि प्रतियोगिताको फाइनलमा पुगेर एसिया कप छनोटमा स्थान बनाउन बाँकी सबै खेल गर या मरको स्थितिमा छ । मलेसियाले दिएको १५५ रनको लक्ष्य पछ्याउँदा नेपाल १३२ रनमा रोकिएको थियो ।
जवाफमा नेपाल १८ ओभर एक बलमा एक सय ११ रनमा अलआउट भयो ।
सुरुवात राम्रो गरेको नेपालले पहिलो विकेटका लागि ४२ रनको साझेदारी गरेको थियो । ओपनर ज्ञानेन्द्र मल्ल र कुशल मल्लले पहिलो विकेटका लागि राम्रो साझेदारी गरेका थिए । कुशलले १९ रन बनाए । त्यसपछि क्रिजमा आएका पारस खड्का मात्र चार रनमा पेभेलियन फर्किदा उपकप्तान दिपेन्द्रसिंह ऐरी पनि पाँच रनमा आउट भए । त्यसपछि पवन सराफ एक रनमा पेभेलियन फर्किदा नेपालले ७१ रनमा चार विकेट गुमायो ।
नेपालको मध्यक्रमका खेलाडी हङकङका बलरसामु धेरै बेर क्रिजमा टिक्न सकेनन् । विनोद भण्डारी पाँच रनमा आउट हुँदा नेपालको स्कोर ७९ रन थियो । त्यसपछि कप्तान ज्ञानेन्द्र मल्ल ४६ रनमा पेभेलियन फर्किएपछि नेपाल निकै दबावमा पर्यो । ज्ञानेन्द्र मल्ले ४३ बलमा चार चौका र एक छक्का प्रहार गरे । तर उन अर्धशतक पुरा गर्न सकेनन् । कप्तान मल्ल आउट भएपछि नेपाल निकै दबावमा पर्यो ।
नेपाली टिमको ब्याटिङ निकै ध्वस्त बन्यो । करण केसी पनि मात्र सात रनमा आउट भएपछि नेपालको खेल हातबाट बाहिरीयो । सो बेला नेपालले ९८ रन बनाएको थियो । सन्दिपले खाता खोल्न सकेनन् । आरिफ शेख १० रनमा आउट भए । नेपालले १७ अाैं अाेभरमा तीन विकेट गुमाउन पुग्याे ।
नेपालको पारिलाई कमजोर बनाउन हारोन मोहम्मद अर्सदले ५ तथा अफदाव हुसेनले तीन विकेट लिए ।