आइपीएलकाे मिती सर्याे

चर्चित फ्रेन्चाइजी क्रिकेट प्रतियोगिता इन्डियन प्रिमियर लिग आइपीएल दुई साताका लागि सारिएको छ । कोरोना भाइरसका कारण पछिल्लो पटक भारतमा विदेशी पर्यटकलाई आउन बन्द गरेसँगै विदेशी खेलाडी पनि आउनमा कठिनाई हुने भएकाले बीसीसीआईले आइपीएल अप्रिल १५ तारिखका लागि सारिएको हो ।

बीसीसीआईका अध्यक्ष सौरभ गांगुली र सचिव जय शाहले आइपीएल आयोजकका शिर्ष पदाधिकारीसँग गरेको छलफलपछि यो निर्णय गरेको हो । यसअघि मद्रास हाइकोर्टले केन्द्रिय सरकारलाई आइपीएल सार्नका लागि बीसीआईलाई निर्देशन दिन आग्रह गरेको थियो ।

यस्तै कोरोनाको बढ्दो प्रभावका कारण महाराष्ट्र सरकारले मुम्बईको वाङखडे क्रिकेट मैदानको टिकट विक्रिमा रोक लगाएको थियो । त्यसपछि दिल्लीमा पनि टिकटक विक्रि गर्न नपाउने बताइएको थियो ।

तर बीसीसीआईले खाली स्टेडियम र विदेशी खेलाडी विना नै आइपीएल गर्ने भन्दै अगाड राखेको थियो । चौतर्फिको दबावपनि अन्तिममा बीसीसीआईले आइपीएल दुई साताका लागि सार्न निर्देशन दिएको छ । आइपीएल आयोजकले सबै आठ फ्रेन्चाइजी टिमलाई आजै पत्राचार गरिसकेको छ ।

जसमा सबै फ्रेन्चाइजी लिगका मालिकलाई मुम्बईमा छलफलका लागि बोलाएको छ । योसँगै कोरोनाको प्रभावका कारण सारिने ठुलो प्रतियोगितामा आइपीएल पनि परेको छ । यसअघि च्याम्पियनस लिग, एनबीए, एटीपी टुरहरु कोरोनाका कारण स्थगित भइसकेका छ ।

यस लेखमा उल्लेखित विषयहरु

Related Stories

More Stories

Latest