श्रीलंकन क्रिकेट टिमले आजबाट प्रशिक्षण सुरु गर्ने

कोरोना भाइरसको महामारीबाट निस्किएर श्रीलंकन क्रिकेट टिमले आजबाट प्रशिक्षण सुरु गर्ने भएको छ । करिव साढे दुई महिनापछि श्रीलंकन टिम मैदानमा उत्रने भएको छ ।

श्रीलकंन क्रिकेट बोर्डले १३ खेलाडीलाई १२ दिनसम्म प्रशिक्षणका लागि अनुमती दिएको छ । यो समयमा खेलाडीले सामाजिक दुरी कायम राख्नुपर्नेछ ।

श्रीलंकाले इंग्ल्याण्डसँग मार्चमा दुई वटा टेष्ट खेल्ने तालिका रहेको थियो । तर कोरोनाका कारण यो अनिश्चितसमयका लागि स्थगित भएको थियो । जसका कारण इंग्ल्याण्ड टिम प्रतियोगिता नखेली फर्किएको थियो ।
श्रीलंकाले जुन र जुलाईमा दक्षिण अफ्रिका र भारतसँग तीन तीन एकदिवसिय सिरीज खेल्नेछ । यस्तै उसले बंगलादेशसँगपनि टेष्ट सिरीज खेल्नुपर्नेछ ।

श्रीलंकन बोर्डले खेलाडीको फिटनेस सेसनपछि मैदानमा प्रशिक्षणका लागि पठाउने छ । आज खेलाडीको फिटनेश टेष्ट हुनेछ । त्यसपछि मात्र मैदानमा प्रशिक्षणका लागि पठाइनेछ । खेलाडीलाई प्रशिक्षणका बेला विशेष क्वारेन्टिनमा राखिनेछ । प्रशिक्षणमा सहभागि भएका खेलाडीलाई तीन फरम्याटका लागि छनोट गरिनेछ ।

यस लेखमा उल्लेखित विषयहरु

Related Stories

More Stories

Latest