पीएम कप महिला क्रिकेटमा एपीएफ समुह विजेता

दाङको लमहीमा जारी सगरमाथा सिमेन्ट प्रधानमन्त्री कप महिला क्रिकेट प्रतियोगिताको समुह ए को सेमिफाइनल समिकरण पुरा भएको छ । समुहको अन्तिम खेलमा उपाधिको दावेदार एपीएफले प्रदेश दुईलाई ६१ रनले पराजित गर्दै समुह विजेताका रुपमा सेमिफाइनलमा प्रवेश गर्यो ।पराजित भएको लुम्बिनी पनि उप विजेताको हैसियतमा सेमिफाइनल पुग्यो ।

लमही क्रिकेट मैदानमा टस जितेर पहिले ब्याटिङ गरेको एपीएफले २० ओभरमा चार विकेट गुमाउँदै एक सय २२ रन बनायो ।

उसका लागि ओपनर ज्योती पाण्डेले ४९ रन बनाइ । मध्यम सुरुवात गरेको एपीएफले पहिलो विकेटका लागि ४४ रनको साझेदारी गरेको थियो ।

उसका लागि राजमती ऐरीले ११ रन बनाइन भने इन्दु बर्माले २८, ममता चौधरीले चार तथा सरिता मगरले १० रनको योगदान गरिन । यस्तै सोनु खड्काले दुई रनमा अविजित रहिन ।

बलिङमा लुम्बिनीका लागि नेरी थापाले दुई, सरस्वती पुन र क्रितिका मरासैनीले एक एक विकेट लिए ।

एपीएफले दिएको १२३ रनको लक्ष्य पछ्याएको लुम्बिनी निर्धारित ओभरमा ७ विकेट गुमाएर ६१ रनमा रोकिन पुग्यो ।

लुम्बिनीका लागि लक्ष्मी चौधरीले ११ रन बनाइन् । विकेटकिपर नितु भण्डारी सून्य रनमै पभेलियन फर्किदा कप्तान नेरी थापा एक रन बनाएर क्रिजबाट विदा भइन् । सरस्वती जिएमले ७ रन बनाउँदा गिता गोसाईं ४ रन बनाएका बेला रनआउटको शिकार बनिन् ।

सरस्वती पुन १० रनमा नटआउट रहिन् भने स्वस्तीका बज्गाईं ४ तथा वर्सा राना २ तथा सर्मिला मगर १ रनमा आउट हुन पुगे ।

लुम्बिनीलाई रोक्ने क्रममा एपीएफकी करुणा भण्डारीले तीन विकेट लिँदा सोनु खड्का र रेखा रावलले एकएक विकेट लिए ।

आजै भएको पहिलो खेलमा प्रदेश २ ले कर्णाली प्रदेशलाई पराजित गरेको थियो । यो खेलको नतिजाले भने सेमिफाइनल समिकरणमा कुनै असर गरेन भने प्रदेश २ ले प्रतियोगितामा सान्त्वना जित दर्ता गरेको थियो ।