सगरमाथा सिमेन्ट प्रधानमन्त्री कप महिला क्रिकेट प्रतियोगिताको उपाधि प्रदेश एकले जितेको छ । फाइनलमा विभागिए टिम एपीएफलाई ६ रनले हराउँदै पहिलो पटक यो प्रतियोगिताको उपाधि उचालेको हो ।
लमही क्रिकेट मैदानमा टस जितेर पहिले ब्याटिङ गरेको प्रदेश एकले २० ओभरमा चार विकेट गुमाउँदै एक सय पाँच रन बनायो ।
राम्रो सुरुवात गरेको प्रदेश एकले पहिलो विकेटका लागि ५८ रनको साझेदारी गरेको थियो । तर त्यसपछि उसले स्कोरबोर्डमा अरु २० रन थप्दा अरु दुई विकेट गुमायो ।
प्रदेश एकका लागि अप्सरी बेगमले ३४ रन बनाइन भने कप्तान रुविना क्षेत्रीले १८ रनको योगदान गरिन । रोमा थापा मात्र तीन रनमा आउट हुँदा निशा शाहले पाँच रन बनाइन । काजल श्रेष्ठले अविजित २७ रन बनाइन ।
बलिङमा सिता रानामगरले तीन तथा करुणा भण्डारीले एक विकेट लिइन ।
[match_center id=”38729″]
जवाफमा एपीएफले २० ओभरमा सात विकेट गुमाउँदा ९९ रनमा रोकियो । खराव सुरुवात गरेको एपीएफले मात्र दुई रन हुँदा पहिलो विकेट गुमायो । त्यसपछि १८ रनमा दोस्रो विकेट गुमाएको एपीएफले २८ रनमा तेस्रो विकेट खेर फाल्यो । २९ रनमा चौथो विकेट गुमाएको उसले ३२ रनमा पाँचौ विकेट खेर फाल्यो ।
एक समय निकै दबावमा रहेको एपीएफलाई ममता चौधरी र करुणा भण्डारीले सम्हालेकि थिइन । उनीहरुले छैटौं विकेटका लागि ६४ रनको साझेदारी गरेका हुन ।
एपीएफका लागि ज्योती पाण्डेले १४ रन बनाइन भने राजमती ऐरीले खाता खोल्न सकिनन् । इन्दु बर्माले सात रन बनाउँदा सरिता मगरले ६ रन जोडिन । यस्तै सोनु खड्का मात्र एक रनमा आउट गरिन ।
एपीएफलाई जितका लागि अन्तिम ओभरमा १३ रन आवश्यक थियो । अन्तिम ओभरमा संगिता राईले दुई विकेट लिएपछि टिमलाई जित दिलाइन । उनले क्रिजमा राम्रो खेलिरहेकी ममता चौधरी ४३ रनमा आउट गरिन भने सिता रानामगरलाई दुई रनमा पेभेलियन फर्काइन । उसका लागि करूणा भण्डारीले अविजित २६ रन बनाइन ।
बलिङमा रूविना क्षेत्री र अलिशा खडियाले २-२ विकेट लिए ।