आर्मीले कर्णालीसामु एक सय ९६ रनकाे लक्ष्य प्रस्तुत

प्रधानमन्त्री कप एकदिवसिय क्रिकेट प्रतियोगितामा त्रिभुवन आर्मीले कर्णाली प्रदेशलाई एक सय ९६ रनको लक्ष्य दिएको छ ।

मुलपानी क्रिकेट मैदानमा टस जितेर पहिले ब्याटिङ गरेको आर्मी ४३ ओभर एक बलमा एक सय ९५ रनमा अलआउट भयो । उसका लागि ओपनर ब्याट्सम्यान अनिल मण्डले शतक बनाउनबाट मात्र ११ रनले चुक्न पुगे ।

मुलपानी क्रिकेट मैदानमा पहिले ब्याटिङ गरेको आर्मीका लागि ओपनरका रुपमा आएका मण्डल ८९ रनमा आउट हुन पुगे । उनलाई यूनीस सिंहले बोल्ड गरेका थिए ।

मण्डलले एक सय १४ बलमा १४ चौका प्रहार गरेका थिए । यस्तै कप्तान विनोद भण्डारीले ४१ रन बनाए भने राजेश पुलामीले १६ र लोकेश बमले १३ रन बनाए ।

पहिलो खेलमा जीत निकालेको आर्मीले सुरुवात भने राम्रो गर्न सकेन । मात्र एक रन हुँदा पहिलो विकेट गुमाएको आर्मीले २७ रनमा दोस्रो विकेट खेर फाल्यो । त्यसपछि ४२ रन हुँदा तेस्रो विकेट गुमाएको उसका लागि विनोद भण्डारी र मण्डलले चौथो विकेटका लागि शतकीय साझेदारी गरेका थिए ।

उनीहरुले एक सय १५ रनको साझेदारी गर्दै टिमको पारीलाई सम्हालेका थिए । तर विनोद आउट भएपछि टिमका अरु खेलाडीविच दरिलो साझेदारी हुन सकेन । उसले ३८ रन हुँदा बाँकी सबै विकेट गुमायो । बलिङमा कर्णालीका लागि दिनेश अधिकारी, राज शाह र दिवन पुनले दुई दुई विकेट लिए ।

यस लेखमा उल्लेखित विषयहरु

Related Stories

More Stories

Latest