पुलिसले लुम्बिनीलाई ३११ रनको लक्ष्य प्रस्तुत, सुनिल धमलाको शतक

सुनिल धमलाको शतकीय पारिको मद्दतले नेपाल पुलिस क्लबले लुम्बिनी प्रदेशलाई ३११ रनको लक्ष्य दिएको छ । कीर्तिपुर मैदानमा टस हारेर पहिला ब्याटिङ गरको पुलिसले निर्धारित ओभरका ४ विकेट गुमाएर ३१० रन बनायो ।

पुलिसका लागि धमलाले १०४ रनको शतकीय पारि खेले । उनले १४४ बलमा १०४ रन बनाएर आउट भएका हुन् । पुलिसको शुरुवात भने राम्रो थिएन । सुनिलसँगै ओपनिङ आएका कुशल भुर्तेल ६ रन बनाएर आउट हुँदा पुलिसको स्कोरबोर्डमा २७ रन थियो । सुनिल र अमित श्रेष्ठले पुलिसको पारि अघि बढाएको थिए । अमित २८ रनमा आउट हुन पुगे ।

४९ बल फेस गरेका अमितले ३ चौका प्रहार गरेका थिए । अमित आउट हुँदा पुलिसले २ विकेट गुमाएर ८४ रन बनाएको थियो । त्यसपछि क्रिजमा आएका दीपेन्द्र सिंह ऐरीले सुनिललाई गतिलो साथ दिए । सुनिलले ९६ बलमा अर्धशतक पुरा गरे भने १४२ बलमा शतक नै बनाए । शतक बनाएपछि भने धेरैबेर सुनिल टिकेनन् । उनी व्यक्तिगत १०४ रन बनाउँदा पभेलियन फर्कि ।

तर यस बीचमा दीपेन्द्र र सुनिलले पुलिसको स्कोर २१३ रनमा पुर्याएका थिए । यसैगरी ऐरीले पनि अर्धशतक पुरा गरेका थिए । ऐरीले ३८ बलमा अर्धशतक बनाएका हुन् । अर्धशतक बनाएपछि फास्ट रन बनाउने क्रममा आउट हुन पुगे । उनले ६१ बलमा ८५ रन बनाएर आउट भएका हुन् । ऐरीले ६ छक्का र तीन चौका प्रहार गरेका थिए । आरिफ शेख र पवन शर्राफले आक्रमक पारि खेले । आरिफ १४ बलमा दुई चौका र दुई छक्काको मद्दतले २९ रन बनाए ।

यसैगरी अर्का आक्रमक ब्याट्सम्यान शर्राफले १३ बलमा अर्धशतक पुरा गरे । ६ छक्का तथा एक चौका प्रहार गरे । प्रधानमन्त्री कपमा सर्वाधिक छिटो अर्धशतकको नाम पनि शर्राफको नाममा रहेको छ । लुम्बिनीका लागि कृष्ण कार्की, अनिल खरेल, दीपेन्द्र रावत र सौरभ खनालले एक एक विकेट लिए ।

यस लेखमा उल्लेखित विषयहरु

Related Stories

More Stories

Latest