प्रदेश एकले दियाे १२९ रनकाे लक्ष्य

ललितपुर मेयर कप महिला टी २० क्रिकेटको उपाधि होडबाट बाहिरी सकेको प्रदेश एकले लिगको अन्तिम खेलमा मेयर ११ लाई एक सय २९ रनको लक्ष्य दिएको छ ।

कीर्तिपुर क्रिकेट मैदानमा टस जितेर पहिले ब्याटिङ गरेको प्रदेश एकले २० ओभरमा दुई विकेट गुमाउँदै एक सय २८ रन बनायो । सुरुवात राम्रो गर्न नसकेको प्रदेश एकले मात्र २० रन हुँदा पहिलो विकेट गुमाएको थियो ।

त्यसपछि ५३ रनमा दोस्रो विकेट खेर फालेको थियो । उसकी ओपनर काजल श्रेष्ठ मात्र आठ रनमा आउट भइन भने कप्तान रुविना क्षेत्रीले २१ रन बनाइन । तर त्यसपछि रोमा थापा र अप्सरी बेगमले तेस्रो विकेटका लागि रनको साझेदारी गरेपछि प्रदेश एकले बलियो लक्ष्य दिन सफल भयो ।

उसका लागि रोमा थापाले अविजीत ६६ रनको योगदान गरिन । उनले ५७ बलमा १० चौका प्रहार गरिन । यस्तै अप्सरीले २६ रन थपिन ।

यस लेखमा उल्लेखित विषयहरु

Related Stories

More Stories

Latest