त्रिकाेणात्मक टी-२० सिरिजमा दर्शक के गर्ने भन्ने अन्याेल

नेपाल मलेसिया र नेदरल्याण्ड्स सम्मिलित त्रिकोणात्मक टी २० सिरिजको एक दिन अगाडी स्वास्थ्य मन्त्रालयले कोभिडका कारण विभिन्न १४ जिल्लामा भिडभाड हुने स्थानमा नजानका लागि सूचना जारी गर्यो । त्यो सूचीमा काठमाडौं पनि रहेको छ । एक ठाँउमा २५ जना भन्दा बढि मानिस जमघट हुन नपाउने भनेर जारी गरेको सूचनाका कारण शनिबारबाट सुरु हुने टि २० सिरिजमा दर्शकको प्रवेशमा के हुन्छ भन्ने ठूलो अन्योल खडा भएको छ ।

स्वास्थ्य मन्त्रालयले जारी गरेको सूचनालाई आधार मान्ने हो भने यो प्रतियोगितामा दर्शकको प्रवेशलाई रोक लगाउनु पर्ने अवस्था देखिएको छ । यदि सरकारले जारी गरेको मापदण्डलाई नै बेवास्ता गरेर मैदानमा दर्शकलाई राख्ने संभावना पनि निकै कम देखिन्छ ।

यता यो प्रतियोगिताको आयोजकको ट्याग मात्र राखेको क्यानका सचिव अशोकनाथ प्याकुरलले सरकारले दर्शकलाई नराख्न भनेर निर्देशन नै नदिएको र सूचना जारी भएको हो, अहिलेपनि टिकट विक्रि भइरहेका छन, अब के गर्ने भन्नेमा अन्योल नै रहेको बताए । उनले आफ्नो चाहना दर्शकसहितको प्रतियोगिता होस भन्ने हो, तर स्वास्थ्य मन्त्रालयको सूचनाले अन्योल सिर्जना गरेको र यसमा छलफल कै क्रममा रहेको बताए ।
क्यानले यो प्रतियोगितामा दर्शकका लागि एक सय ५० रुपैयाँको टिकट मुल्य राखेको छ । प्रतियोगिताका लागि अनलाईनबाट धमाधम टिकट विक्रि भइरहेका छन ।

क्यानले यो प्रतियोगिताका लागि सबै खर्चबाहेक आफ्नो हातमा १५ लाख आउनुपर्छ भनेर सम्झौता गरेको थियो । जसमा ब्यवस्थापनको जिम्मा पाएको कम्पनीले सबै प्रायोजक, टिकट विक्रिबाट उठेको रकम आफुले राख्न पाउने अधिकार लिएको छ । यसका साथै प्रतियोगिताको कर्मसियल राइट्स नै खरिद गरेपछि क्यानमा अहिले एकले अर्कालाई दोश लगाएर हिडिरहेका छन ।

उनीहरु अहिले गल्ति भएको र अब प्रतियोगिता सफल रुपमा सम्पन्न गर्नुपर्ने लाइनमा छन ।

यस लेखमा उल्लेखित विषयहरु

Related Stories

More Stories

Latest