आइपीएल स्थगित

इन्डियन प्रिमियर लिगको बाँकी सिजनका खेलहरु स्थगित भएको छन । पछिल्लो पटक भारतमा कोरोनाको संक्रमणदर उच्च भएको र टिमका खेलाडीमा पनि एकपछि अर्को गरि कोभिड देखिन थालेपछि आइपीएलका बाँकी खेलहरु स्थगित भएका हुन ।

आइपीएलका लागि खेलाडीहरु बायो बबलमा हुँदा पनि कोरोना संक्रमण देखिएपछि आयोजकले तत्कालका लागि प्रतियोगिता स्थगित गर्नुपर्ने निर्णयमा पुगेका छन । पछिल्लो पटक सनराइजर्स हैदरावादका रिद्दमान शाह र दिल्लीका अमित मिश्रामा पनि कोभिड पोजेटिभ देखिएको छ ।

बीसीसीआईको आपतकालिन बैठकले प्रतियोगिता तत्काल रोक्नुपर्ने निर्णय गरेको हो । जसमा आइपीएलका प्रमुख ब्रिजेश पटेलले खेलाडी र स्टाफको श्वास्थ्यलाई मध्यनजरमा राखेर प्रतियोगिता स्थगित गर्नुपर्ने निर्णयमा पुगेको बताए ।

पछिल्लो पटक आइपीएल टिम कोलकाताका दुई जना चेन्नेईका तीन पदाधिकारीमा कोभिड देखिएको थियो भने दिल्ली र चेन्नेई टिम आइसोलेसनमा बसेका थिए । यस्तै अरु टिमहरुमा पनि यो कोभिडको त्रास सुरु गरेको छ ।

यस लेखमा उल्लेखित विषयहरु

Related Stories

More Stories

Latest