पीएम कप: उत्कृष्ट लयमा पुलिस, लगातार चौथो जित

प्रधानमन्त्री(पीएम) कप टी–२० प्रतियोगितामा उत्कृष्ट लयमा रहेको नेपाल पुलिस क्लबले लगातार चौंथो जित हात पारेको छ ।

त्रिवि क्रिकेट मैदानमा सोमबार पुलिसले प्रदेश १ लाई ६ विकेटले हराउँदै पुलिसले चौथो जित हात पारेको हो ।

समूह ए मा पुलिसले चारवटै खेल जितेर ८ अंक सहित समूह विजेताका रुपमा सेमिफाइनलमा स्थान बनायो ।

प्रदेश १ ले दिएको १ सय २ रनको लक्ष्य पुलिसले १३.१ ओभरमा ४ विकेट गुमाएर भेट्टाएको थियो ।

पुलिसका लागि कुशल भुर्तेलले ४४ रन जोडे । उनले २८ बलमा तीन चौका र तीन छक्का प्रहार गरे ।

यस्त अनिल साहले २४ बलमा २६ तथा दीपेन्द्र सिह ऐरीले २० रन जोडे ।

प्रदेश १ का मनोज तामाङ, मुकुन्द यादव, फिर्दोस अन्सारी र दिपेश कँडेलले १–१ विकेट लिए ।

त्यसअघि टस जितेर पहिले ब्याटिङ गरेको प्रदेश १ ले निर्धारित २० ओभरमा ८ विकेट गुमाउदै १ सय १ रन जोडेको थियो ।

प्रदेश १ का मिनास थापाले ५९, श्रवण यादवले १० रन बाहेक अन्य ब्याट्सम्यानहरुले दोहोरो अंकमा जोड्न सकेनन ।

पुलिसकातर्फबाट आरिफ शेख, दिपेन्द्र सिंह ऐरी र मञ्जीत श्रेष्ठले समान २–२ विकेट लिए ।

करण केसी र सागर ढकालले एक–एक विकेट लिए ।

यस लेखमा उल्लेखित विषयहरु

Related Stories

More Stories

Latest